ଯୋଜନା ଅନୁସାରେ ଘୁଷୁରିଙ୍କ ପାଇଁ ଏମ୍ଜିଏନ୍ଆରଇଜିଏସ୍ ଯୋଜନାରେ ୨୧ ବର୍ଗ ମିଟରରେ ୫୦,୦୦୦ ଟଙ୍କା ଖର୍ଚ୍ଚରେ ନିର୍ମାଣ ହେବ ଆଶ୍ରୟସ୍ଥଳ। ଏଥିରେ ୩ଟି ମାଈ ଓ ଗୋଟିଏ ଅଣ୍ଡିରା ଘୁଷୁରି ରହିବାର ବ୍ୟବସ୍ଥା କରାଯିବ। ମତ୍ସ୍ୟ ଓ ପଶୁ ସମ୍ପଦ ବିଭାଗ ପକ୍ଷରୁ ଏ ନେଇ ପଞ୍ଚାୟତିରାଜ ବିଭାଗକୁ ପ୍ରସ୍ତାବ ଦିଆଯାଇଛି। ଏହାକୁ ଶୀଘ୍ର କାର୍ଯ୍ୟକାରୀ କରିବାକୁ ପ୍ରଶାସନିକ ସ୍ତରରେ ତତ୍ପରତା ପ୍ରକାଶ ପାଇଛି।
ସରକାରୀ ହିସାବରେ ବର୍ତ୍ତମାନ ରାଜ୍ୟରେ ପ୍ରାୟ ୩ ଲକ୍ଷ ଘଉଷୁରି ଅଛନ୍ତି। ଏ ସମସ୍ତ ଘୁଷୁରିଙ୍କୁ ଏହି ଯୋଜନାରେ ସାମିଲ କରାଯିବ।
ମାଲକାନଗରିରେ ଜାପାନିଜ ଏନ୍ସେଫାଲାଇଟିସ୍ ଆତଙ୍କ ପରେ ପ୍ରଶାସନ ପକ୍ଷରୁ ଘୁଷୁରିଙ୍କୁ ଜନବସତିଠାରୁ ଦୂରକୁ ନିଆଯାଇଥିଲା ଅବା ଜଙ୍ଗଲରେ ଛାଡି ଦିଆଯାଇଥିଲା। ଫଳରେ ଆବଶ୍ୟକ ବାସସ୍ଥଳ ଓ ଖାଦ୍ୟ ଅଭାବରୁ ବହୁ ଘୁଷୁରିଙ୍କ ମୃତ୍ୟୁ ଘଟିଛି। ଏପରିକି ଜିଲ୍ଲାର ବହୁ ସ୍ଥାନରେ ଲୋକେ ଘୁଷୁରିଙ୍କୁ ପିଟିପିଟି ମାରି ଦେଇଥିଲେ। ସ୍ଥିତି ଏପରି ହୋଇଛି ଯେ ବହୁ ଘୁଷୁରି ଚାଷୀ ଏହାଦ୍ୱାରା ତଳିତଳାନ୍ତ ହୋଇଯାଇଛନ୍ତି।