ଝାରସୁଗୁଡ଼ା: ଝାରସୁଗୁଡ଼ା ଜିଲ୍ଲା କାତିକେଲାରେ ଥିବା ବେଦାନ୍ତର ଆସ୍ପଣ୍ଡ ଭୁଶୁଡ଼ି ପଡ଼ିଛି। ଫଳରେ ଶହ ଶହ ଏକର ଚାଷ ଜମିରେ ପାଉଁଶ ପାଣି ମାଡ଼ି ଯାଇଛି। ଜମିରେ ପାଉଁଶ ପାଣି ମାଡି ଯାଇଥିବାରୁ ଫସଲ ନଷ୍ଟ ହୋଇଯିବାର ଆଶଙ୍କା ସୃଷ୍ଟି ହୋଇଛି। ଗତକାଲି ରାତି ପ୍ରାୟ ସାଢେ ୯ଟାରୁ ୧୦ଟା ଭିତରେ ଏହି ଘଟଣା ଘଟିଛି।
ଜଣେ ସ୍ଥାନୀୟ ବାସିନ୍ଦା କହିଛନ୍ତି,“ ଗତକାଲି ରାତି ପ୍ରାୟ ସାଢ଼େ ୮ ବେଳେ ଆସ୍ପଣ୍ଡ ଭାଙ୍ଗିଗଲା। ଆମେ ଭୟରେ ଘରେ ରହିପାରି ନ ଥିଲୁ। ଛୁଆ ପିଲାଙ୍କୁ ଧରି ବାହାରେ ଅଛୁ। ଏତେ ସମୟ ହେଲାଣି କିନ୍ତୁ ପ୍ରଶାସନ କିମ୍ୱା ବେଦାନ୍ତ କର୍ତ୍ତୃପକ୍ଷ ଘଟଣାସ୍ଥଳକୁ ଆସି ନାହାନ୍ତି। ଆମ ପାଇଁ କିଛି ସୁବିଧା ମଧ୍ୟ କରି ନାହାଁନ୍ତି। ପାଉଁଶ ପାଣି ମାଡ଼ି ଯିବାରୁ ପ୍ରାୟ ୩ଶହ ଏକର ଜମି ନଷ୍ଟ ହୋଇଛି।”
[vc_video link="https://www.youtube.com/watch?v=58t8yRp-DsY" align="center"]