ଅନ୍ୟପକ୍ଷରେ ଆତ୍ମହତ୍ୟା କରିଥିବା ଅନଙ୍ଗ ମଞ୍ଜରୀ ଓ ତାଙ୍କ ଭାଇ ଭଉଣୀଙ୍କ ସୁଇସାଇଡ୍ ନୋଟ୍ରେ ସ୍ଥାନୀୟ ବିଧାୟକ କେ. ସୁରିୟା ରାଓଙ୍କ ସମେତ ବିଜେଡି, ବିଜେପି ଓ କଂଗ୍ରେସର ବହୁ ନେତାଙ୍କ ନାଁ ରହିଛି। ଏହାସହ ଏଥିରେ ଏକ ନିର୍ଦ୍ଦିଷ୍ଟ ନ୍ୟୁଜ୍ ଚ୍ୟାନେଲର ନାମ ମଧ୍ୟ ରହିଛି। ଏହି ବ୍ୟକ୍ତି ବିଶେଷ ଓ ନ୍ୟୁଜ୍ ଚ୍ୟାନେଲ୍ ସେମାନଙ୍କୁ ଦିନରାତି ବଦନାମ କରିବା ସହ ଅପଦସ୍ତ କରିବାରୁ ସେମାନେ ଆତ୍ମହତ୍ୟା କରିଥିବା ଉଲ୍ଲେଖ କରିଛନ୍ତି।
ମୃତକଙ୍କ ସୁଇସାଇଡ୍ ନୋଟ୍ରେ ଯେଉଁମାନଙ୍କ ନାଁ ରହିଛି, ସେମାନଙ୍କୁ ପଚରାଉଚରା ପାଇଁ କ୍ରାଇମବ୍ରାଞ୍ଚ ଡାକିବ ବୋଲି ଜଣାପଡିଛି। ୩ ଜଣଙ୍କର ବିଷକ୍ରିୟାରେ ମୃତ୍ୟୁ ହୋଇଥିବା ବେଳେ ଓ ଜଣଙ୍କର ଶ୍ୱାସରୁଦ୍ଧ କାରଣରୁ ମୃତ୍ୟୁ ଘଟିଥିବା ପୋଷ୍ଟମର୍ଟମ ରିପୋର୍ଟରୁ ସ୍ପଷ୍ଟ ହୋଇଛି।
କଲ୍ୟାଣୀ ଦେବୀ କହିଛନ୍ତି,“ ଗଜପତି ମହାରାଜାଙ୍କୁ ଚିକିତ୍ସା ସୁବିଧା ଯୋଗାଇ ଦେଇଥିବାରୁ ମୁଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଜଣାଉଛି। ଅନଙ୍ଗ ମଞ୍ଜରୀ ଓ ତାଙ୍କର ଦୁଇ ଭାଇ ଓ ଭଉଣୀଙ୍କ ମୃତ୍ୟୁ ନେଇ ମୁଁ ଦୁଃଖିତ। ”