ଏହି ଓଡ଼ିଆ ଯୁବକଙ୍କ ପାଖରେ ଅଛି ୧୩୦ଜଣ ରାଜାଙ୍କର ବିରଳ ସ୍ମୃତି

<p>ସମ୍ବଲପୁର (ଓଡ଼ିଶା ରିପୋର୍ଟର): ପେସା ଚାକିରି, ହେଲେ ନିଶା ଫଟୋ ସଂଗ୍ରହ। ସେ ଫଟୋ ପୁଣି ଯାଇତାଇ ଲୋକର ଫଟୋ ନୁହେଁ। ରାଜା ରାଜୁଡ଼ାଙ୍କ ଫଟୋ। ଏମିତି ନିଶାରେ ପଡ଼ିଛନ୍ତି ପଶ୍ଚିମ ଓଡ଼ିଶାର ଉଚ୍ଚଶିକ୍ଷିତ ଯୁବକ ଅଜୟ ଅଗ୍ରୱାଲ। ସମ୍ବଲପୁର କୁଚିଣ୍ଡାର ମୂଳ ବାସିନ୍ଦା ଅଜୟ, ଏବେସୁଦ୍ଧା ୧୩୦ ଜଣ ରାଜାଙ୍କର ଫଟୋ ଓ ଦସ୍ତଖତ ସଂଗ୍ରହ କରି ଲିମକା ବୁକ୍ ଅଫ୍ ରେକର୍ଡସର ସ୍ଥାନ ପାଇଛନ୍ତି। ଓଡ଼ିଶା ପାଇଁ ଏହା କମ୍ ଗର୍ବର ବିଷୟ ନୁହେଁ। ପଢ଼ନ୍ତୁ ଅଜୟଙ୍କ ଏହି ଅଜବ ନିଶା ବିଷୟରେ।</p> <p>&lt;a href=&quot;&quot;&gt;(image) &lt;/a&gt;ଅଜୟଙ୍କ ହିସାବ ଅନୁଯାୟୀ ଭାରତରେ ଅଛି ୨୮୫ ରାଜ ପରିବାର ସଦସ୍ୟ। ଏମାନଙ୍କ ମଧ୍ୟରୁ ୧୩୦ ଜଣ ରାଜାଙ୍କର ଫଟୋ ଏବଂ ଦସ୍ତଖତ ସଂଗ୍ରହ କରି ଗତ ମାସରେ ସେ ଲିମକା ବୁକ ରେକର୍ଡର ଅଧିକାରୀ ହୋଇ ପାରିଛନ୍ତି। ପ୍ରଥମେ ବଣାଇ ରାଜାଙ୍କୁ ଭେଟି ଦସ୍ତଖତ ନେବା ସହ ତାଙ୍କର ପ୍ରେରଣା ପାଇ ଆଜି ସେ ଏହି ସଫଳତା ପାଇଥିବା ଅଜୟ କହିଛନ୍ତି। ଆଜି ରାଜତନ୍ତ୍ର ନାହିଁ କି ରାଜାଙ୍କ ମୁକୁଟ ନାହିଁ। କିନ୍ତୁ ଏହି ମୁକୁଟ ବିହିନ ରାଜାମାନଙ୍କୁ ସ୍ମୃତିରେ ସାଇତି ରଖିଛନ୍ତି ଅଜୟ ତାଙ୍କ ଆଲବମରେ। ଏମିତିକି ପଞ୍ଚଭୂତରେ ଲୀନ ହୋଇ ଯାଇଥିବା କିଛି ମହାରାଜାଙ୍କ ସ୍ମୃତି ବି ଅଜୟ ନିଜ ଆଲବମରେ ସାଇତି ରଖିଛନ୍ତି।</p> <p>&lt;a href=&quot;http://odishareporter.in/wp-content/uploads/2018/03/nnn-6.jpg&quot;&gt;(image) &lt;/a&gt;ଅଜୟ ଦିଲ୍ଲୀର ଏକ ମଲଟି ନ୍ୟାସନାଲ କମ୍ପାନୀର ସହକାରୀ ପରିଚାଳକ ଭାବେ କାମ କରୁଛନ୍ତି। ପ୍ରାଇଭେଟ୍ କମ୍ପାନୀରେ ଚାକରି କରୁଥିଲେ ବି ରାଜାଙ୍କର ଫଟୋ ସଂଗ୍ରହ କରିବା ତାଙ୍କର ଥିଲା ଭାରି ସଉକ୍। ୨୦୧୬ ମସିହାରେ ସେ ଲିମକା ବୁକରେ ସାମିଲ୍ ହେବାକୁ ଆବେଦନ କରିଥିଲେ। ଗତମାସରେ ତାଙ୍କୁ ଏହି ସମ୍ମାନ ମିଳିଛି । ଯାହାକୁ ନେଇ ତାଙ୍କ ପରିବାର ଓ ସାଙ୍ଗସାଥୀ ଖୁବ୍ ଖୁସି। ଆଗାମୀ ଦିନରେ ଗିନିଜ୍ ବୁକରେ ସ୍ଥାନ ପାଇବାକୁ ସେ ଆଶା ରଖିଛନ୍ତି। ଅଜୟ କହିଛନ୍ତି, ଏହି କୃତିକୁ ନେଇ ମୁଁ ଖୁସି ଅଛି। ବିଶେଷକରି ମୋ ଗାଁର ନାଁ ବିଶ୍ୱ ଦରବାରେ ପହଞ୍ଚିଥିବାରୁ ତାହା ମତେ ବେଶୀ ଖୁସି ଦେଇଛି।</p> <p>&lt;a href=&quot;http://odishareporter.in/wp-content/uploads/2018/03/vlcsnap-2018-03-16-13h47m36s243.png&quot;&gt;(image) &lt;/a&gt;</p> <p>https://youtu.be/-bmMwCIszqE</p>