ଆଜି ମା’ ଦୁର୍ଗାଙ୍କ ମହାନବମୀ ପୂଜା

ଭୁବନେଶ୍ୱର: ଆଜି ମହିଷାମର୍ଦ୍ଦିନୀ ମାଆ ଦୁର୍ଗାଙ୍କ ମହାନବମୀ ପୂଜା। ରାଜ୍ୟର ବିଭିନ୍ନ ସ୍ଥାନରେ ପୂଜା ମଣ୍ଡପଗୁଡ଼ିକରେ ମହା ଆଡ଼ମ୍ବରରେ ମାଙ୍କ ପୂଜାର୍ଚ୍ଚନା ଚାଲିଛି । ଜଗତଜନନୀଙ୍କ ଦର୍ଶନ ଲାଗି ସକାଳୁ ସକାଳୁ ପୂଜା ମଣ୍ଡପରେ ଶ୍ରଦ୍ଧାଳୁଙ୍କ ଭିଡ଼ ଜମିବାରେ ଲାଗିଛି। ଉପବାସ ରଖିଥିବା ଶ୍ରଦ୍ଧାଳୁମାନେ ପୂଜା ମଣ୍ଡପ ନିକଟରେ ପୁଷ୍ପ ଓ ନୈବେଦ୍ୟ ଧରି ପହଞ୍ଚିଛନ୍ତି। ଭକ୍ତମାନେ ଧୂପ, ଦୀପ, ନୈବେଦ୍ୟ ଦେଇ ଜଗତଜନନୀଙ୍କ ଆରାଧନା କରୁଛନ୍ତି। ଭୁବନେଶ୍ୱର ଓ କଟକରେ ବିଭିନ୍ନ ପୂଜାମଣ୍ଡପରେ ବଡ ବଡ ତୋରଣ ସାଙ୍ଗକୁ ଆଲୋକ ମାଳାରେ ଝଲସୁଛି। ପୂଜା ପାଇଁ ସବୁଠି କରାଯାଇଛି କଡା ସୁରକ୍ଷା ବ୍ୟବସ୍ଥା। ଏପଟେ ଆଜି ବିଭିନ୍ନ ଶକ୍ତିପୀଠଗୁଡ଼ିକରେ ମାଙ୍କର ଦଶମୀ ପୂଜା ନୀତି ଅନୁଷ୍ଠିତ ହେଉଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।