ଭବାନୀପାଟଣା: ଜଣେ ମହିଳାଙ୍କ ମୃତ୍ୟୁର ତିନି ଦିନ ପରେ ତାଙ୍କ ମୃତଦେହକୁ ଉଦ୍ଧାର କରିଛି ପୋଲିସ୍। କଳାହାଣ୍ଡି ଜିଲ୍ଲା ବିଜେପୁର ଥାନା ଡମଙ୍ଗିଝୋଲା ଗାଁରେ ଘଟିଛି ଏଭଳି ଘଟଣା। ମୃତ ମହିଳାଙ୍କ ନାଁ କନ ମାଝି। ପୋଲିସ୍ ତାଙ୍କ ସ୍ୱାମୀଙ୍କୁ ଗିରଫ କରି କୋର୍ଟ ଚାଲାଣ କରିଛି।
ଗତ ୨୧ ତାରିଖରେ ଗାଁର ଲିଙ୍ଗା ମାଝି ମଦ ପିଇ ଘରକୁ ଆସିଥିଲେ। ଘରେ କୌଣସି କଥାକୁ ନେଇ ସ୍ତ୍ରୀ କନ ମାଝିଙ୍କ ସହିତ ତାଙ୍କର ଝଗଡ଼ା ହୋଇଥିଲା। ଲିଙ୍ଗା ଉତକ୍ଷିପ୍ତ ହୋଇ କନଙ୍କୁ ଟାଙ୍ଗିଆରେ ଆକ୍ରମଣ କରିଥିଲେ। ପରେ ସେ ଗୁରୁତର ଅବସ୍ଥାରେ ତାଙ୍କୁ ଡାକ୍ତରଖାନାକୁ ନେଇ ଯାଇଥିଲେ। ଚିକିତ୍ସା ପରେ ଘରକୁ ନେଇ ଆସିଥିଲେ। ତେବେ ଗତ ମଙ୍ଗଳବାର ସ୍ତ୍ରୀ କନଙ୍କ ମୃତ୍ୟୁ ଘଟିଥିଲା। ଲିଙ୍ଗା ଭୟରେ ସ୍ତ୍ରୀଙ୍କ ମୃତ ଶରୀରକୁ ଘରେ ଲୁଚାଇ ରଖିଥିଲେ। ଏ ସମ୍ପର୍କରେ ଗ୍ରାମରକ୍ଷୀ ପୋଲିସକୁ ସୂଚନା ଦେଇଥିଲେ। ଏହା ପରେ ପୋଲିସ୍ ମୃତଦେହକୁ ଜବତ କରିଥିଲା।