ପରଲୋକରେ ବରିଷ୍ଠ କଂଗ୍ରେସ ବିଧାୟକ ସୁବଳ ସାହୁ

<p>&lt;a href=&quot;&quot;&gt;(image) &lt;/a&gt;ଭୁବନେଶ୍ୱର: ବରିଷ୍ଠ କଂଗ୍ରେସ ବିଧାୟକ ସୁବଳ ସାହୁଙ୍କର ୫୫ ବର୍ଷ ବୟସରେ ପରଲୋକ ହୋଇଯାଇଛି।&nbsp; ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ଆଜି ସକାଳେ ତାଙ୍କର ଦେହାନ୍ତ ହୋଇଯାଇଛି। ଦୀର୍ଘଦିନ ଧରି ସେ କ୍ୟାନସରରେ ପୀଡ଼ିତ ଥିଲେ। ଏହାସହ ସେ ଗତ ୩ ଦିନ ଧରି ଜ୍ୱରରେ ପଡ଼ିଥିଲେ।</p> <p>ସୁବଳ ବରଗଡ଼ ଜିଲ୍ଲା ବିଜେପୁର ବିଧାନସଭା ନିର୍ବାଚନ ମଣ୍ଡଳୀରୁ ବିଧାୟକ ଥିଲେ। ଏଠାରୁ ସେ କଂଗ୍ରେସ ଟିକେଟ୍&zwnj;ରୁ ନିର୍ବାଚିତ ହୋଇଥିଲେ। ସୁବଳ ଆଇନରେ ସ୍ନାତକୋତ୍ତର ପାଠ୍ୟକ୍ରମ ଶେଷକରି, ଆଇନଜୀବୀ ଭାବେ ଜୀବୀକା ଆରମ୍ଭ କରିଥିଲେ। ତାଙ୍କ ମୃତ୍ୟୁରେ ସାରା ବରଗଡ଼ ଜିଲ୍ଲାରେ ଶୋକର ଛାୟା ଖେଳି ଯାଇଛି। କ୍ରୀଡ଼ା &zwj;କ୍ଷେତ୍ରରେ ମଧ୍ୟ ତାଙ୍କର ବିଶେଷ ଆଗ୍ରହ ରହିଥିଲା ଓ ସେ ଏହାର ବିକାଶ ପାଇଁ ଉଦ୍ୟମ ଜାରି ରଖିଥିଲେ। ଜଣେ ଜାତୀୟ ସ୍ତରର ଭଲିବଲ ଖେଳାଳି ଭାବେ ସେ ନାଁ କରିଥିଲେ। ୧୯୮୧ ଓ ୧୯୮୩ ମସିହାରେ ସୁବଳ ଜାତୀୟ ସ୍ତରର ଭଲିବଲ ଟୁର୍ଣ୍ଣାମେଣ୍ଟରେ ଓଡ଼ିଶାକୁ ପ୍ରତିନିଧିତ୍ୱ କରିଥିଲେ।</p> <p>ସୁବଳ ସାହୁଙ୍କ ପରଲୋକ ଖବର ଶୁଣି ରାଜ୍ୟପାଳ ଏସ୍&zwnj;.ସି. ଜମିର, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ସାଂସଦ ବୈଜୟନ୍ତ ପଣ୍ଡା, ବିରୋଧୀ ଦଳ ନେତା ନରସିଂହ ମିଶ୍ର ଓ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସହ ବହୁ ବରିଷ୍ଠ ନେତା ଦୁଃଖ ପ୍ରକାଶ କରିଛନ୍ତି।</p> <p>ସୁବଳ ସାହୁଙ୍କ ପୁତୁରା କହିଛନ୍ତି- &ldquo;ଆଜି ସକାଳ ୧୦ଟା ସମୟରେ ତାଙ୍କର ଦେହାନ୍ତ ହୋଇଯାଇଛି। ତାଙ୍କ ଜୀବନ ସଂଘର୍ଷମୟ ଥିଲା। ସେ ଲଗାତାର ତିନିଥର ବିଧାୟକ ହୋଇଥିଲେ।&rdquo;</p> <p>ପିସିସି ସଭାପତି ପ୍ରସାଦ ହରିଚନ୍ଦନ କହିଛନ୍ତି- &ldquo;ସୁବଳ ସାହୁଙ୍କ ଦେହାନ୍ତ କଂଗ୍ରେସ ପାଇଁ ଅପୂରଣୀୟ କ୍ଷତି। ସେ ଜଣେ ଲୋକପ୍ରିୟ ବିଧାୟକ ଥିଲେ। ଲୋକଙ୍କ ବଳ ଥିଲେ ସୁବଳ। ସେ ଲୋକଙ୍କ ସାଙ୍ଗରେ ଥିଲେ ଓ ଲୋକଙ୍କ ନେତା ଥିଲେ। ସେ ତିନିଥର ବିଧାୟକ ହୋଇଥିଲେ। ସୁବଳ ବାବୁଙ୍କ ଦେହାନ୍ତରେ କେବଳ ତାଙ୍କ ନିର୍ବାଚନ ମଣ୍ଡଳୀ ନୁହେଁ, ବରଗଡ଼ ଜିଲ୍ଲା ଓ କଂଗ୍ରେସ ଦଳରେ ଶୂନ୍ୟତା ସୃଷ୍ଟି ହେଲା। ମୁଁ ଶ୍ରଦ୍ଧାଞ୍ଜଳି ଜଣାଉଛି ତାଙ୍କ ପ୍ରତି। ତାଙ୍କ ଶୋକ ସନ୍ତପ୍ତ ପରିବାର ବର୍ଗଙ୍କ ପ୍ରତି ଗଭୀର ସମବେଦନା ଜଣାଉଛି।&rdquo;</p> <p>[vc_video link=&quot;https://www.youtube.com/watch?v=fxHJoFn-uZk&quot; align=&quot;center&quot;]</p>