ଅଭାବୀ ବିକ୍ରି ବିରୋଧରେ ଅଭିନବ ପ୍ରତିବାଦ; ରାସ୍ତାରେ ଢାଳିଲେ ମୁଗ, ବିରି ଓ ଚିନାବାଦାମ

<p>ଯାଜପୁର: ଶସ୍ୟ ଜାତୀୟ ଫସଲ ସହ ପନିପରିବାର ଅଭାବୀ ବିକ୍ରି ବିରୋଧରେ ଆଜି ନବନିର୍ମାଣ କୃଷକ ସଂଗଠନ ପକ୍ଷରୁ ଅଭିନବ ପ୍ରତିବାଦ କରାଯାଇଛି। ଚଣ୍ଡିଖୋଲ ଛକରେ ଚିନାବାଦାମ, ମୁଗ ଓ ବିରି ଢାଳି ଶହଶହ ଚାଷୀ ପ୍ରତିବାଦ କରିଛନ୍ତି।</p> <p>ସମଗ୍ର ଓଡ଼ିଶା ସମେତ ଯାଜପୁର ଜିଲ୍ଲାରେ କୃଷକଙ୍କ ବିଭିନ୍ନ ସମସ୍ୟା ରହିଥିବା ନବନିର୍ମାଣ କୃଷକ ସଂଗଠନ ଅଭିଯୋଗ କରିଛି ।&nbsp; ଚିନାବାଦାମର ସର୍ବନିମ୍ନ ସହାୟକ ମୂଲ୍ୟ ୪୪ଟଙ୍କା, ମୁଗ ୫୫ଓ ବିରି ୫୦ଟଙ୍କାକୁ ଧାର୍ଯ୍ୟ ହୋଇଥିବା ବେଳେ ଏହାଠାରୁ କମ୍ ମୂଲ୍ୟରେ ଚାଷୀ ବିକ୍ରି କରୁଥିବା ଅଭିଯୋଗ ହୋଇଛି।&nbsp; ପୂର୍ବବର୍ଷ ଏସବୁ ଉତ୍ପାଦିତ ଶସ୍ୟ ଅଧିକ ଦରରେ ବିକ୍ରି ହୋଇଥିଲା। କିନ୍ତୁ ଏଥର ଅଭାବୀ ବିକ୍ରି ନେଇ ଯାଜପୁର ଜିଲ୍ଲାପାଳଙ୍କୁ ଚିଠି ଦିଆଯାଇଥିଲେ ମଧ୍ୟ କୌଣସି ପଦକ୍ଷେପ ନିଆଯାଇ ନ ଥିବା କୃଷକ ସଂଗଠନ ଅଭିଯୋଗ କରିଛି।</p>