ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ନୂଆପଡ଼ା (ଓଡ଼ିଶା ରିପୋର୍ଟର): ନୂଆ ବର୍ଷରେ ଦିବ୍ୟାଙ୍ଗମାନଙ୍କର ନୂଆ ଅଭିଯାନ। ଗାଁ ଗୁଡିକୁ ଆବର୍ଜନା ମୁକ୍ତ କରିବାର ଶପଥ ନେଇଛନ୍ତି ନୂଆପଡ଼ା ଜିଲ୍ଲା କୋନାବିରାର ୨୦ ଦିବ୍ୟାଙ୍ଗ। କିଏ ହ୍ୱିଲ୍ ଚେୟାରରେ ତ ଆାଉ କିଏ ବାଡ଼ି ସାହାରାରେ, କିଏ ଦେଖି ପାରୁନି ତ ଆଉ କିଏ ଶୁଣି ପାରୁନି। କିନ୍ତୁ ସମସ୍ତଙ୍କ ଲକ୍ଷ୍ୟ ନିଜ ପରିବେଶକୁ ସ୍ୱଚ୍ଛ ଓ ସୁନ୍ଦର ରଖିବା। ଚାଲିଛି ଗାଁ ଦାଣ୍ଡ ସଫେଇ। ପ୍ରାୟ ୨୦ଜଣ ଦିବ୍ୟାଙ୍ଗ ଏକାଠି ହୋଇ ଗାଁର ରାସ୍ତାଘାଟ, ନାଳ ନର୍ଦ୍ଦମା, ସ୍କୁଲ ପଡିଆ ଆଦି ସଫା କରିଛନ୍ତି।</p> <p>କେବଳ ଏଇ ଗାଁ ନୁହେଁ, ଏହି ଉଦ୍‌ଯୋଗୀ ଦିବ୍ୟାଙ୍ଗମାନେ ଆଗକୁ ଆଖପାଖ ଅଞ୍ଚଳର ବିଭିନ୍ନ ଗାଁରେ ଏଭଳି ସଫେଇ କାର୍ଯ୍ୟକ୍ରମ କରିବାକୁ ଲକ୍ଷ୍ୟ ରଖିଛନ୍ତି। ନୂଆବର୍ଷରେ କୋନାବିରା ଗାଁରୁ ଆରମ୍ଭ ହୋଇଛି ଏହି ଅଭିଯାନ। ହାତରେ ଝାଡ଼ୁ ଧରି ଗାଁଦାଣ୍ଡ ସଫେଇ କରିବା ସହ ଏମାନେ ପ୍ଲାକାର୍ଡ ଧରି ଲୋକଙ୍କୁ ସଚେତନ ମଧ୍ୟ କରିଛନ୍ତି। ଗାଁଲୋକେ ମଧ୍ୟ ଏମାନଙ୍କ ଏଭଳି କାର୍ଯ୍ୟକୁ ପ୍ରଶଂସା କରିଛନ୍ତି।</p> <p>ଦେଖନ୍ତୁ ଭିଡିଓ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
