ବାହିନୀପତିଙ୍କ ବୋମା: କହିଲେ-୯ରୁ ୧୦ ଜଣ ବିଜେଡି ବିଧାୟକ କଂଗ୍ରେସ ଆସିବାକୁ ବାଡେଇ ହେଉଛନ୍ତି

ଭୁବନେଶ୍ୱର: ବରିଷ୍ଠ କଂଗ୍ରେସ ନେତା ନିରଞ୍ଜନ ପଟ୍ଟନାୟକ ଓଡ଼ିଶା ପିସିସି ସଭାପତି ହେବେ ବୋଲି ଜଣାପଡ଼ିବା ପରେ ବିଜେଡି ବିଧାୟକମାନେ ଆସିବା ପାଇଁ ବାଡ଼େଇ ହେଲେଣି। ୯ରୁ ୧୦ ଜଣ ବିଜେଡି ବିଧାୟକ କଂଗ୍ରେସକୁ ଆସିବେ। ସେମାନଙ୍କ ମଧ୍ୟରୁ କେତେକ ବିଧାୟକ ମୋ’ ସହିତ ଆଲୋଚନା ହେଲେଣି। ଏପରି ବିସ୍ଫୋରକ ବୟାନ ଦେଇଛନ୍ତି ବିରୋଧୀ ଦଳ ମୁଖ୍ୟ ସଚେତକ ତାରା ପ୍ରସାଦ ବାହିନୀପତି। ଏହାଛଡ଼ା ଆଉ କିଛି ଅନ୍ୟ କଂଗ୍ରେସ ବିଧାୟକଙ୍କ ଯୋଗାଯୋଗରେ ଅଛନ୍ତି ବୋଲି ସେ କିଛନ୍ତି।

ସେ କହିଛନ୍ତି-“ରାଷ୍ଟ୍ରପତି ନିର୍ବାଚନରେ ବିଜେଡି ବିଧାୟକମାନେ କ୍ରସ ଭୋଟିଂ କରିବେ ବୋଲି ପୂର୍ବରୁ ସୂଚନା ଦେଇଥିଲି। ଏହା ସତ୍ୟରେ ପରିଣତ ହୋଇଛି। ଗଣତି ପରେ ଦୁଇଟି ଭୋଟ୍‌ ନାକଚ ହୋଇଥିବା ଜଣାପଡୁଛି। ଅର୍ଥାତ ବିଜେଡି ବିଧାୟକମାନେ ଦଳ ମୁଖିଆଙ୍କ ପ୍ରତି ଅସନ୍ତୁଷ୍ଟ ହୋଇ ଏପରି କରିଛନ୍ତି। ବିଧାୟକମାନେ ମୁର୍ଖ ନୁହଁନ୍ତି ଯେ ଭୁଲରେ ସେମାନଙ୍କ ଭୋଟ୍‌ ନାକଚ ହୋଇଯିବ। ସେମାନେ ଜାଣିଶୁଣି ଏପରି କରିଛନ୍ତି।”