ତଥାଗତଙ୍କୁ କେନ୍ଦ୍ରମନ୍ତ୍ରୀଙ୍କ ପରାମର୍ଶ, ନବୀନଙ୍କୁ ଓଡ଼ିଆ ଶିଖାଅ; ତଥାଗତ କହିଲେ- ତାଙ୍କ ସହ ମୁଁ କେଉଁ ଭାଷାରେ କଥା ହୁଏ ସେମାନେ କ’ଣ ଜାଣନ୍ତି?

<p>ଭୁବନେଶ୍ୱର (ଓଡିଶା ରିପୋର୍ଟର): କେନ୍ଦ୍ର ଗ୍ରାମ୍ୟ ଉନ୍ନୟନ ଓ ପଞ୍ଚାୟତିରାଜ ମନ୍ତ୍ରୀ ନରେନ୍ଦ୍ର ସିଂ ତୋମାରଙ୍କୁ ହିନ୍ଦୀ ବଦଳରେ ଓଡ଼ିଆ ଓ ଇଂରାଜୀରେ ଚିଠି ଲେଖିବାକୁ ପରାମର୍ଶ ଦେଇ ଅଡୁଆରେ ପଡ଼ିଛନ୍ତି ଢେଙ୍କାନାଳ ସାଂସଦ ତଥାଗତ ସତପଥୀ। ଏହି ପ୍ରସଙ୍ଗକୁ ନେଇ ଆରମ୍ଭ ହୋଇଛି ଆରୋପ ପ୍ରତ୍ୟାରୋପ। କେନ୍ଦ୍ର ମାନବ ସମ୍ୱଳ ମନ୍ତ୍ରୀ ପ୍ରକାଶ ଜାଭଡେକର ଆଜି ଏହାକୁ ନେଇ ତଥାଗତଙ୍କ ଉପରେ ସିଧାସଳଖ ହାମ୍&zwnj;ଲା କରିଛନ୍ତି। ରାଜ୍ୟ କାର୍ଯ୍ୟକାରିଣୀରେ ଯୋଗଦେବାକୁ ଆସିଥିବା ଜାଭଡେକର ତଥାଗତଙ୍କୁ ପରାମର୍ଶ ଦେଇ କହିଛନ୍ତି, ସେ ବରଂ ମୁଖ୍ୟମନ୍ତ୍ରୀଙ୍କୁ ଓଡ଼ିଆ କହିବାକୁ କୁହନ୍ତୁ। ତଥାଗତ ମଧ୍ୟ ତୁରନ୍ତ ଏହାର ଜବାବ ଦେଇଛନ୍ତି। ସେ କହିଛନ୍ତି-ନବୀନ ପଟ୍ଟନାୟକ ମୋର ନେତା। ମୋ ନେତାଙ୍କ ସହିତ ମୁଁ କେଉଁ ଭାଷାରେ କଥା ହେଉଛି ସେମାନେ କଣ ଜାଣିଲେ।</p> <p>ବିବାଦର ସୂତ୍ରପାତ<br /> ଇଣ୍ଡିଆ-୨୦୨୨ ଭିଜନ ସମ୍ପର୍କିତ ଏକ ଜିଲ୍ଲାସ୍ତରୀୟ କାର୍ଯ୍ୟକ୍ରମରେ ଯୋଗଦେବା ପାଇଁ ଗତ ୧୧ ତାରିଖରେ ଢେଙ୍କାନାଳ ସାଂସଦ ତଥାଗତ ସତପଥୀଙ୍କୁ କେନ୍ଦ୍ର ଗ୍ରାମ୍ୟ ଉନ୍ନୟନ ଓ ପଞ୍ଚାୟତିରାଜ ମନ୍ତ୍ରୀ ନରେନ୍ଦ୍ର ସିଂ ତୋମାର ଏକ ପତ୍ର ଲେଖିଥିଲେ। ଏହି ପତ୍ରଟି ହିନ୍ଦୀ ଭାଷାରେ ଲେଖାଯାଇଥିବାରୁ ତଥାଗତ ଏହାକୁ ବିରୋଧ କରିଥିଲେ। ଏପରିକି ଓଡ଼ିଆ କିମ୍ୱା ଇଂରାଜୀ ଭାଷାରେ ପତ୍ର ଲେଖିବାକୁ ସେ ଗତ ୨୦ ତାରିଖରେ ନରେନ୍ଦ୍ର ସିଂହ ତୋମାର ଏକ ଚିଠି ଲେଖିଥିଲେ। ତେବେ ସମ୍ପର୍କରେ କିଛି ଯୁକ୍ତି ମଧ୍ୟ ଉପସ୍ଥାପନ କରିଥିଲେ। କହିଥିଲେ- ଆମ ରାଜ୍ୟ ଓଡ଼ିଶା ଏକ &lsquo;ସି&rsquo; କାଟାଗୋରି ରାଜ୍ୟ ହୋଇଥିବାରୁ ଏଥିପାଇଁ ଓଡ଼ିଆ ନଚେତ୍ ଇଂରାଜୀ ଭାଷାରେ ପତ୍ରାଳପ କରିବାକୁ ଅନୁରୋଧ। କେବଳ ସେତିକି ନୁହେଁ ସାଂସଦ ତଥାଗତ ଏ ସମ୍ପର୍କରେ ଟ୍ୱିଟ୍ ମଧ୍ୟ କରିଥିଲେ। କେନ୍ଦ୍ର ମନ୍ତ୍ରୀଙ୍କୁ ପ୍ରତିଉତ୍ତର ଦେବାକୁ ଯାଇ ହିନ୍ଦୀ ବୁଝିବାକୁ ସେ ଅକ୍ଷମ ବୋଲି ଲେଖିଥିଲେ।<br /> କିଏ କଣ କହିଥିଲେ<br /> ପ୍ରକାଶ ଜାଭଡ଼େକର କରିଛନ୍ତି-&ldquo;୧୭ ବର୍ଷ ହେଲା ନବୀନ ବାବୁ ଓଡ଼ିଆ କହି ପାରୁ ନାହାଁନ୍ତି। ତଥାଗତ ବାବୁ ତାଙ୍କୁ ଓଡ଼ିଆରେ କହିବାକୁ କୁହନ୍ତୁ।&rdquo;<br /> ସେ ଆହୁରି କହିଛନ୍ତି,&ldquo;ମୁଁ ଓଡ଼ିଆ ଭାଷାକୁ ସମ୍ମାନ କରେ। ଜୟ ଜୟକାରରେ ମୁଁ ବିଶ୍ୱାସ କରେ ନାହିଁ। ଓଡ଼ିଶା ଲୋକେ ବିଜେପି ଉପରେ ଭରସା ରଖିଛନ୍ତି। ସେଥିପାଇଁ ୭ଟି ଜିଲ୍ଲାରେ ବିଜେପିକୁ ଭୋଟ ମିଳିଛି।&rdquo;<br /> ତଥାଗତ ସରପଥୀ କହିଛନ୍ତି-&ldquo;ମୁଖ୍ୟମନ୍ତ୍ରୀଙ୍କୁ ଓଡ଼ିଆରେ କହିବାର କିଛି ପ୍ରୟୋଜନ ନାହିଁ। ଓଡ଼ିଶାର ଲୋକେ ତାଙ୍କୁ ନେତା ମାନିଛନ୍ତି। ତାଙ୍କର(ନବୀନ)ଙ୍କ କିଛି ଦୋଷ ଓ ଦୁର୍ବଳତା ଯଦି ଥାଏ ତାହା ସବୁ ଓଡ଼ିଆ ଜାଣିଛନ୍ତି। ତଥାପି ଓଡ଼ିଆ ଲୋକେ ତାଙ୍କୁ ହୃଦୟ ଦେଇ ଭଲ ପାଉଛନ୍ତି। ସେମାନେ ତାଙ୍କୁ ମୁଖ୍ୟମନ୍ତ୍ରୀ କରାଇଛନ୍ତି। ମୁଁ ତାଙ୍କୁ ମୁଖ୍ୟମନ୍ତ୍ରୀ କରାଇ ନାହିଁ। ସିଏ ମୋର ନେତା। ମୁଁ ତାଙ୍କର ହିତାଧିକାରି (ବେନିଫିସେରୀ)। ତାଙ୍କଠାରୁ ମୁଁ ଲାଭ ପାଇଛି। ସେମାନେ କେମିତି ଜାଣିଲେ ମୁଁ ମୋର ନେତାଙ୍କ ସହିତ କେମିତି କଥା ହେଉଛି? ଏ ସମ୍ପର୍କରେ ବାହାରୁ ଆସିଥିବା ବିଦେଶୀ ନେତାମାନେ ଫାଲ୍&zwnj;ତୁ କଥା କହିବା ଠିକ୍&zwnj; ନୁହେଁ। ଓଡ଼ିଶା ରାଜ୍ୟ ବୋଲି ଚଳି ଯାଉଛି। ଅନ୍ୟ କେଉଁ ରାଜ୍ୟ ହୋଇଥିଲେ ସେମାନେ ଖସି ଯାଇପାରିନଥାନ୍ତେ।&rdquo;<br /> ସେ କହିଛନ୍ତି-&ldquo;ଓଡ଼ିଆଙ୍କ ସ୍ୱାଭିମାନ ଆହୁରି ଜାଗ୍ରତ ହେବା ଦରକାର। ଆମ ଭାଷା ହେଉଛି ଅତି ପୂରାତନ ଭାଷା। କେନ୍ଦ୍ର ସରକାର ମଧ୍ୟ ଏହାକୁ କ୍ଲାସିକାଲ ମାନ୍ୟତା ଦେଇଛନ୍ତି। ପ୍ରକାଶ ଜାଭଡ଼େକର ବାହାରୁ ଆସି କ&rsquo;ଣ ପାଇଁ ଆମ ଭାଷାକୁ ନେଇ ରାଜନୀତି କରୁଛନ୍ତି, ମୁଁ ଜାଣିପାରୁ ନାହିଁ। ମୁଁ କେବେ ମୋ&rsquo; ଭାଷାକୁ ନେଇ କେବେ ରାଜନୀତି କରୁନି। ଏହି ପ୍ରସଙ୍ଗକୁ ନେଇ ମୁଁ ଭୋଟ୍&zwnj; ଲଢ଼ିବାର ନାହିଁ। ଯାହା ମୁଁ କହିଛି ମୋ&rsquo; ଭାଷା, ମା ଓ ମାଟି ପାଇଁ କହୁଛି। ଗଣତନ୍ତ୍ରରେ କେହି ସ୍ଥାୟୀ ନୁହନ୍ତି। କଂଗ୍ରେସ ଆସିଥିଲେ ଚାଲିଗଲେ। ବିଜେପି ଆସିଛି ଚାଲିଯିବ।&rdquo;</p>