ମିଛ ଚାକିରି ସତ ଅଫର୍; ଭୁଆଁ ବୁଲାଇଛି ସୋଆ ବିଶ୍ୱବିଦ୍ୟାଳୟ!, ଦିଲ୍ଲୀରୁ ଆସିଲା ନିରାଶାର ଭିଡିଓ

<p>ଭୁବନେଶ୍ୱର: ଶହେ ପ୍ରତିଶତ ପ୍ଲେସମେଟ୍&zwnj;ର ପ୍ରଲୋଭନ ଦେଖାଇ ପିଲାଙ୍କୁ ପ୍ରଫେସନାଲ ଡିଗ୍ରୀ ପାଇଁ ଆକୃଷ୍ଟ କରୁଥିବା ଘରୋଇ ଶିକ୍ଷାନୁଷ୍ଠାନ ଗୁଡିକରେ କେମିତି ଚାଲିଛି ଜାଲିଆତି ତା&rsquo;ର ପ୍ରମାଣ ଆସିଛି ଭୁବନେଶ୍ୱର ଶିକ୍ଷା ଓ ଅନୁସଂଧାନ ବିଶ୍ୱବିଦ୍ୟାଳୟ(ସୋଆ)ରୁ। ଜଣେ ନୁହେଁ ଦୁଇ ଜଣ ନୁହନ୍ତି ଚାକିରି ପାଇଁ ଗୁଡଗାଓଁ ଯାଇଥିବା ପ୍ରାୟ ୫୦ ପିଲା ନିରାଶ ହୋଇ ଫେରିଛନ୍ତି। ଏହି ପିଲାମାନଙ୍କୁ କ୍ୟାମ୍ପସ ସିଲେକସନ୍ ମାଧ୍ୟମରେ ମନୋନୀତ କରାଯିବା ସହ ନିର୍ଦ୍ଦିଷ୍ଟ ସର୍ତ୍ତାବଳୀରେ କମ୍ପାନୀରେ ନିଯୁକ୍ତି ମିଳିଥିଲା। ତେବେ ଆଶାୟୀମାନେ ସଂପୃକ୍ତି ପାଇଥିବା କଂପାନୀରେ ପହଞ୍ଚିବା ପରେ ଜଣାପଡିଥିଲା ଯେ ପ୍ଲେସ୍&zwnj;ମେଣ୍ଟ ଅଫର୍ ନକଲି। ଏହାକୁ ନେଇ ସେଠାରେ ଉତ୍ତେଜନା ଦେଖାଦେଇଥିଲା। ତେବେ ପୋଲିସ ହସ୍ତକ୍ଷେପ କରିବାରୁ ପରିସ୍ଥିତି ଶାନ୍ତ ପଡ଼ିଥିଲା। ସୋଆ ବିଶ୍ୱବିଦ୍ୟାଳୟ କର୍ତ୍ତୃପକ୍ଷ କୌଣସି କ୍ୟାମ୍ପସ ସିଲେକସନ୍ କରିନଥିବା ଜଣାଇଥିଲା। ଏହାକୁ ନେଇ ଛାତ୍ରଛାତ୍ରୀ ଓ ଅଭିଭାବକଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଥିଲା। ସେମାନେ ସେଠାରୁ ନିରାଶ ହୋଇ ଓଡ଼ିଶା ଫେରୁଥିବା ବେଳେ ଆସନ୍ତାକାଲି ବିଶ୍ୱବିଦ୍ୟାଳୟ ଆଗରେ ବିକ୍ଷୋଭ କରିବେ ବୋଲି ଜଣାପଡିଛି। କେବଳ ଏହି କଂପାନୀ ନୁହେଁ&nbsp; ମିଟ୍&zwnj;ସୁବିସି, ଇଣ୍ଟେଲ, ହନିୱେଲ ଓ ସୁପରଟେକ୍ ଭଳି ଅନ୍ୟ କିଛି ନାମୀଦାମୀ କଂପାନୀରୁ ପିଲାଙ୍କୁ ଅଫର ଲେଟର ଆସିଛି।</p> <p>[vc_video link=&quot;&quot; align=&quot;center&quot;]</p> <p>ସେପଟେ ସୋଆ କର୍ତ୍ତୃପକ୍ଷ ଘଟଣାକୁ ନେଇ ସ୍ପଷ୍ଟୀକରଣ ଦେଇଛନ୍ତି। ବିଶ୍ୱବିଦ୍ୟାଳୟ ସହ ସଂପର୍କ ନଥିବା କିଛି ନକଲି ସଂସ୍ଥା ଏଭଳି କରିଥିବା ସୋଆ କର୍ତ୍ତୃପକ୍ଷ କହିଛନ୍ତି। ଅନ୍ୟପକ୍ଷରେ ସୋଆ କର୍ତ୍ତୃପକ୍ଷ ପିଲାଙ୍କ ସହ ଅଛନ୍ତି ଓ ସେମାନଙ୍କ ଲାଗି ବିକଳ୍ପ ବ୍ୟବସ୍ଥା କରିବାକୁ ପ୍ରତିଶ୍ରୁତି ବଦ୍ଧ। ଠକାମୀର ଶିକାର ପିଲାଙ୍କୁ ମାସିକ ୨୦,୦୦୦ ଟଙ୍କା ଷ୍ଟାଇପେଣ୍ଡ ଘୋଷଣା ସହ ଯେଉଁମାନେ ବିଶ୍ୱବିଦ୍ୟାଳୟରେ ଏମ୍&zwnj;ଟେକ୍ କିମ୍ବା ଏମ୍&zwnj;ବିଏ କରିବାକୁ ଆଗ୍ରହୀ ସେମାନଙ୍କ ପଢା ଖର୍ଚ୍ଚ ବହନ କରିବାକୁ ମଧ୍ୟ ପ୍ରଲୋଭନ ଦେଖାଇଛନ୍ତି।</p>