ବିମୁଦ୍ରାକରଣକୁ ବର୍ଷେ: କେମିତି ହେଉଛି କ୍ୟାସଲେସ୍‌ ଭିଲେଜର କାରବାର

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ବିମୁଦ୍ରାକରଣର ଏକ ପ୍ରମୁଖ ଉଦ୍ଦେଶ୍ୟ ଥିଲା କ୍ୟାସଲେସ୍ ଟ୍ରାଞ୍ଜେକ୍&zwnj;ସନ୍&zwnj; ବା ନଗଦ କାରବାର ହ୍ରାସ କରିବା। ଏଥିପାଇଁ ସରକାର ଅନେକ ପ୍ରୋତ୍ସାହନ ମଧ୍ୟ ଦେଇଥିଲେ। ଆସନ୍ତାକାଲି ନୋଟ୍&zwnj;ବନ୍ଦୀକୁ ବର୍ଷେ ପୂରିବାକୁ ଯାଉଥିବା ବେଳେ ରାଜ୍ୟର ପ୍ରଥମ କ୍ୟାସଲେସ୍ ଭିଲେଜ୍ ପୁରୀ ଜିଲ୍ଲା ନୂଆଗାଁର ସ୍ଥିତି ଆଜି ଆସନ୍ତୁ ପରଖିବା।</p> <p>ପୁରୀ ଜିଲ୍ଲା ସତ୍ୟବାଦୀ ବ୍ଲକ ନୂଆଗାଁ। ବିମୁଦ୍ରାକରଣ ପରେ ରାଜ୍ୟର ଏହା ପ୍ରଥମ କ୍ୟାସଲେସ୍&zwnj; ଭିଲେଜ ହୋଇଥିଲା। ତା&rsquo;ପରେ ପାନ ଦୋକାନ ହେଉ ବା ତେଜରାତି ଦୋକାନ, ଯେଉଁଠି ବି କିଣାକିଣି କଲେ ଗାଁ ଲୋକେ ଇ-ଓ୍ୱାଲେଟ୍ ମାଧ୍ୟମରେ ପେମେଣ୍ଟ କରାଯାଉଥିଲା। ଏଥିପାଇଁ ଏହି ଗାଁ ମଧ୍ୟ ପୁରସ୍କୃତ ହୋଇଥିଲା। ରାତାରାତି ଏହି ଗାଁର ସମଗ୍ର ରାଜ୍ୟରେ ଚର୍ଚ୍ଚାର ପରିସରକୁ ଆସିଥିଲା। ବର୍ଷକ ପରେ କିନ୍ତୁ ଗାଁର ଚିତ୍ର ବଦଳି ଯାଇଛି। କେବଳ କେତେକ ଯୁବକ ଓ ମହିଳା ସ୍ୱୟଂସହାୟକ ଗୋଷ୍ଠୀର ସଦସ୍ୟାମାନେ ଇ-ଓ୍ୱାଲେଟ୍ କିମ୍ବା ଡେବିଟ୍-କ୍ରେଡିଟ୍ କାର୍ଡ ଦ୍ୱାରା କିଣାକିଣି କରୁଛନ୍ତି। ଅନ୍ୟମାନେ ପୂର୍ବଭଳି ନଗଦ ଟଙ୍କା ଦେଇ ଜିନିଷ କିଣୁଛନ୍ତି।</p> <p>ନୂଆଗାଁର ଶ୍ରୀକାନ୍ତ ମିଶ୍ର କହିଛନ୍ତି-&ldquo;ବିମୁଦ୍ରାକରଣ ସମୟରେ ଆମକୁ ବ୍ୟାଙ୍କ ପକ୍ଷରୁ କାର୍ଡ଼ ଦିଆଯିବ ବୋଲି କୁହାଯାଇଥିଲା। ମାତ୍ର ଆଜି ପର୍ଯ୍ୟନ୍ତ ସେମିତି କିଛି ସୁବିଧା ସୁଯୋଗ ଦିଆଯାଇନାହିଁ। ଏହା ସତ୍ତ୍ୱେ ଆମେ ଇ-ଓ୍ୱାଲେଟ୍ ମାଧ୍ୟମରେ କିଣାବିକା କରୁଛୁ।&rdquo;</p> <p>ନୂଆଗାଁ ଦେବାଶିଷ ଷଡ଼ଙ୍ଗୀ କହିଛନ୍ତି-&ldquo;ଯେଉଁମାନଙ୍କ ପାଖରେ ଆଣ୍ଡ୍ରଏଡ୍&zwnj; ଫୋନ୍&zwnj; ରହିଛି, ସେମାନେ ଇ-ଓ୍ୱାଲେଟ୍ ମାଧ୍ୟମରେ କିଣାବିକା କରୁଛନ୍ତି। ମାତ୍ର ବୟସ୍କ ଓ ଗରିବ ଲୋକମାନେ ପୂର୍ବ ପରି କିଣାବିକା କରୁଛନ୍ତି।&rdquo;</p> <p>ନୋଟ୍&zwnj;ବନ୍ଦୀ ପରେ ଭୁବନେଶ୍ୱର ଏକ ନମ୍ୱର ମାର୍କେଟରେ ବିଭିନ୍ନ ଦୋକାନରେ ପଏଣ୍ଟ ଅଫ୍ ସେଲ୍ ମେସିନ୍(ପିଓଏସ୍&zwnj;) ଲାଗିଥିଲା। ଇ-ଓ୍ୱାଲେଟ୍ ମାଧ୍ୟମରେ ପେମେଣ୍ଟ ହେଉଥିଲା। କିନ୍ତୁ ବଜାରରେ ପର୍ଯ୍ୟପ୍ତ ପରିମାଣରେ ନୋଟ୍ ଉପଲବ୍ଧ ପରେ ଏବେ ମୁଖ୍ୟତଃ ନଗଦ କାରବାର ହେଉଛି। ଦୋକାନୀମାନେ କ୍ୟାସଲେସ୍ ପେମେଣ୍ଟ ବୋର୍ଡ ବି ଉଠାଇ ନେଲେଣି।</p> <p>ବିମୁଦ୍ରାକରଣ ପରେ ରାଜ୍ୟରେ କ୍ୟାସଲେସ୍ କାରବାର ଯଥେଷ୍ଟ ବୃଦ୍ଧି ପାଇଛି। ତଥ୍ୟ ଅନୁଯାୟୀ, ଗତବର୍ଷ ଅକ୍ଟୋବର ସୁଦ୍ଧା ଏସ୍&zwnj;ବିଆଇର ୬,୫୦୦ଟି ପିଓଏସ୍&zwnj; ମେସିନ୍ ଗ୍ରାହକ ନେଇଥିଲେ। କିନ୍ତୁ ଚଳିତ ବର୍ଷ ଅକ୍ଟୋବର ସୁଦ୍ଧା ଏହି ସଂଖ୍ୟା ୨୧,୦୦୦ରେ ପହଞ୍ଚିଛି। ସେହିପରି ପୂର୍ବରୁ ଏସ୍&zwnj;ବିଆଇ ପିଓଏସ୍&zwnj; ମାଧ୍ୟମରେ ମାସକୁ ୧୨୦ କୋଟି ଟଙ୍କାର ପେମେଣ୍ଟ ହେଉଥିବା ବେଳେ ଏବେ ଏହା ୧୮୦ କୋଟିରେ ପହଞ୍ଚିଛି।</p>