ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଅନୁଗୋଳ: ଶେଷରେ ଧରାପଡ଼ିଲା ସାଇକେଲ ଚୋର। ଏହା ପରେ ଆରମ୍ଭ ହୋଇ ଯାଇଥିଲା ଉତ୍ତମ ମଧ୍ୟମ। ଯିଏ ପାରିଲା ଛେଚିଲା। ଖାଲି ଛେଚିଲେ ନି ଗଛରେ ବାନ୍ଧି ପକାଇ ସତବେଣ୍ଟିଆ ବି କଲେ। ଏପରି ଘଟଣା ଘଟିଛି ଅନୁଗୋଳ ସହରରେ।</p> <p>ଖବର ଅନୁସାରେ ସହରର ଏକ ଶାଢ଼ୀ ଦୋକାନ ଆଗରୁ କିଛି ଦିନ ହେବ ସାଇକେଲ ଚୋରି ହେଉଥିଲା। ଏହାକୁ ନେଇ ଅଞ୍ଚଳବାସୀଙ୍କ ମଧ୍ୟରେ ଅସନ୍ତୋଷ ଥିଲା। ବାରମ୍ବାର ଦୋକାନ ଆଗରୁ ଏପରି ଚୋରି ଦୋକାନ ମାଲିକଙ୍କୁ ମଧ୍ୟ ଚିନ୍ତାରେ ପକାଇ ଦେଇଥିଲା। ଶେଷରେ ସେ ଦୋକାନ ଆଗରେ ସିସିଟିଭି କ୍ୟାମେରା ଲଗାଇଥିଲେ। କ୍ୟାମେରାରୁ ଅଭିଯୁକ୍ତ ଜଣଙ୍କ ସାଇକେଲ ଚୋରି କରିବା ଜଣାପଡିଥିଲା। ଏହାପରେ ଦୋକାନୀ ଓ ତାଙ୍କ କର୍ମଚାରୀ ସତର୍କ ହୋଇ ଯାଇଥିଲେ। ଆଜି ପୁଣି ଥରେ ଅଭିଯୁକ୍ତ ଜଣଙ୍କ ଚୋରି କରିବାକୁ ଆସିଥିଲା। ଚୋରି କରିବା ସମୟରେ ପୂର୍ବରୁ ପ୍ରସ୍ତୁତ ଦୋକାନର କର୍ମଚାରୀମାନେ ତାକୁ କାବୁ କରି ନେଇଥିଲେ। ଏହି ଖବର ପ୍ରଚାରିତ ହେବା ପରେ ଆରମ୍ଭ ହୋଇ ଯାଇଥିଲା ଲାଇଭ୍‌ ଶୋ’। ଚୋରକୁ ଏକ ଗଛରେ ବାନ୍ଧି ପକାଇ ଯିଏ ପାରିଲା ଛେଚିଲା।</p> <p>ଏନେଇ ସୂଚନା ପାଇବା ପରେ ପୋଲିସ୍‌ ଘଟଣା ସ୍ଥଳରେ ପହଞ୍ଚି ଅଭିଯୁକ୍ତକୁ ଉଦ୍ଧାର କରି ଥାନାକୁ ନେଇଛି। ଏହାସହ ପୋଲିସ୍‌ ଘଟଣାର ତଦନ୍ତ ଆରମ୍ଭ କରିଛି।</p> <p>&nbsp;</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
