ନିର୍ବାଚନୀ ଖର୍ଚ୍ଚ ଅନିୟମିତତା ଅଭିଯୋଗ ମାମଲା: ପ୍ରବର୍ତ୍ତନ ନିର୍ଦ୍ଦେଶାଳୟ ପାଖରେ ଫେରାଦ ହେଲା ବିଜେପି

ଭୁବନେଶ୍ୱର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନାଁରେ ନିର୍ବାଚନ ଖର୍ଚ୍ଚ ଅନିୟମିତତା ମାମଲାରେ  ଆଜି  ପ୍ରବର୍ତ୍ତନ ନିର୍ଦ୍ଦେଶାଳୟ ନିକଟରେ ରାଜ୍ୟ ବିଜେପି ଟିମ୍ ଫେରାଦ ହୋଇଛି। ଦଳର ମୁଖପାତ୍ରଙ୍କ ସମେତ ଅନ୍ୟ ନେତାଙ୍କୁ ନେଇ ରାଜ୍ୟ ବିଜେପି ଟିମ୍ ଇଡି ନିକଟରେ ଫେରାଦ ହୋଇଛି।

ଏହି ପ୍ରସଙ୍ଗରେ ଗତକାଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିରୁଦ୍ଧରେ କେନ୍ଦ୍ର ନିର୍ବାଚନ କମିଶନଙ୍କ ନିକଟରେ ଫେରାଦ ହୋଇଥିଲା ବିଜେପି। ଅଭିଯୋଗର ବିଚାର କରିବା ଲାଗି ଦଳ କମିଶନଙ୍କୁ ଦାବିପତ୍ର ଦେଇଥିଲା। ସେହିପରି ନବୀନଙ୍କ ସଦସ୍ୟତା ରଦ୍ଦ ପାଇଁ ମଧ୍ୟ ବିଜେପି ଦାବି କରିଥିଲା।