ଦୁନିଆରେ ଏପରି ଅନେକ ଘଟଣା ଘଟିଥାଏ ଯାହା ସହଜରେ ବିଶ୍ୱାସ କରି ହୁଏ ନାହିଁ। ଆଜି ଆମେ ଏକ କଥା କହିବାକୁ ଯାଉଛୁ, ଯାହା ସମ୍ପୂର୍ଣ୍ଣ ସତ ହେଲେ ମଧ୍ୟ ବିଶ୍ୱାସ କରିହେବ ନାହିଁ। ଆପଣ ଜାଣିଲେ ଆଶ୍ଚର୍ଯ୍ୟ ହେବେ ବ୍ରିଟେନ୍ରେ ଏକ କାରର ନମ୍ବର ପ୍ଲେଟ୍ କିଣିବାକୁ ଲୋକେ କୋଟି କୋଟି ଟଙ୍କା ଯାଚୁଛନ୍ତି। ଏଥିରେ ସୁନା କି ହିରା ଲାଗିନାହିଁ, ମାତ୍ର ଏହାକୁ କିଣିବା ଲାଗି କ୍ରେତା ୧୩୨ କୋଟି ଦେବାକୁ ମଧ୍ୟ ପ୍ରସ୍ତୁତ। ଏହା ଏକ ଲାଇସେନ୍ସ ପ୍ଲେଟ୍। ଏହି କାରର ନମ୍ବର ପ୍ଲେଟ୍ରେ f1 ଲେଖା ହୋଇଛି, ଯାହାକୁ କିଣିବା ଲାଗି ଲୋକେ ଧାଡି ଲଗାଉଛନ୍ତି।
ଆପଣଙ୍କ ମନରେ ନିଶ୍ଚିତ ଭାବେ ପ୍ରଶ୍ନ ଉଠୁଥିବ କି ଏହି କାରର ନମ୍ବର ପ୍ଲେଟ୍ରେ ଏମିତି କ’ଣ ଅଛି ଯାହାର ମୂଲ୍ୟ ଏତେ ଅଧିକ। ଏହାର କାରଣ f ଓ 1। ଏହାର ଅର୍ଥ ହେଉଛି formula1 । ସୂଚନା ମୁତାବକ, ଚଳିତବର୍ଷ ଅଫଜଲ ଏହି ନମ୍ବର ପ୍ଲେଟ୍ଟି ୧୦.୫୨ କୋଟିରେ କିଣିଥିଲେ। ଆପଣଙ୍କ ମନରେ ଏହା ମଧ୍ୟ ପ୍ରଶ୍ନ ଉଠୁଥିବ କି ଗାଡ଼ି ମାଲିକ କିପରି ନମ୍ବର ପ୍ଲେଟ୍ର ମୂଲ୍ୟ ନିଷ୍ପତ୍ତି କରିପାରିବେ। ଗାଡିର ନମ୍ବର ନିଷ୍ପତ୍ତି କରିବା ଆର୍ଟିଓ ଅଫିସ୍ ହାତରେ ଥାଏ। ଏଠାକାର ଆଇନ୍ ହିଁ ଏପରି।
