ରାଜ୍ୟରେ ଅପରାଧିକ କାର୍ଯ୍ୟକଳାପ ନିୟନ୍ତ୍ରଣାଧୀନ ରହିଛି: ମୁଖ୍ୟମନ୍ତ୍ରୀ

ଭୁବନେଶ୍ୱର: ରାଜ୍ୟରେ ଅପରାଧିକ କାର୍ଯ୍ୟକଳାପ ନିୟନ୍ତ୍ରଣାଧୀନ ରହିଛି। ସେହିଭଳି ୧୧ଟି ଜିଲ୍ଲାରେ ମାଓ ଅପରାଧ ହ୍ରାସ ପାଇଛି। ଆଇନ ଶୃଙ୍ଖଳା ପ୍ରସଙ୍ଗରେ ଆଜି ଗୃହରେ ମୁଲତବି ଆଲୋଚନା ବେଳେ ଏହି ସୂଚନା ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ନବୀନ କହିଛନ୍ତି ଏବେ ରାଜ୍ୟର ଗଜପତି, ଗଞ୍ଜାମ, ଯାଜପୁର, ନୂଆପଡ଼ା, ଢେଙ୍କାନାଳ, ନବରଙ୍ଗପୁର, ମାଲକାନଗିରି ଓ କୋରାପୁଟ ଜିଲ୍ଲାରେ ମାଓ କାର୍ଯ୍ୟକଳାପ ଚାଲେଜିଂ ରହିଛି।

ଅନ୍ୟପକ୍ଷରେ ପୋଲିସ ଆଧୁନିକୀକରଣ ପାଇଁ କେନ୍ଦ୍ରୀୟ ଅନୁଦାନ ହ୍ରାସ ପାଇଥିବା ନବୀନ କହିଛନ୍ତି। ଯୋଗାଯୋଗ ବ୍ୟବସ୍ଥାରେ ଉନ୍ନତି ପାଇଁ ରାଜ୍ୟର ୨୫୩ଟି ସ୍ଥାନରେ ନୂଆ ମୋବାଇଲ ଟାୱାର ତିଆରି କରାଯିବ ବୋଲି ମୁଖ୍ୟମନ୍ତ୍ରୀ କହିଛନ୍ତି। ବିଧାନସଭାରେ ଆଇନ ଶୃଙ୍ଖଳା ପରିସ୍ଥିତି ନେଇ ଆଜି ବିରୋଧୀ ମୁଲତବୀ ପ୍ରସ୍ତାବ ଆଣିଥିଲେ । ଯାହାର ଶୀର୍ଷକ ରହିଥିଲା ‘ରାଜ୍ୟରେ ଆଇନର ଶାସନ ନାହିଁ କି ଶୃଙ୍ଖଳା ନାହିଁ’। ବାଚସ୍ପତି ଏହି ପ୍ରସ୍ତାବ ଗ୍ରହଣ କରିବା ପରେ ମୁଖ୍ୟମନ୍ତ୍ରୀ ଉତ୍ତର ରଖିଥିଲେ ।