କଟକ: ଆଜି ଦ୍ୱିତୀୟ ଦିନରେ ସାରଥିଙ୍କୁ ଜେରା କରୁଛି କ୍ରାଇମବ୍ରାଞ୍ଚ ଟିମ୍। କ୍ରାଇମବ୍ରାଞ୍ଚର ମୁଖ୍ୟ କାର୍ଯ୍ୟାଳୟରେ ତାଙ୍କ ଚାଟାର୍ଡ ଆକାଉଣ୍ଟାଣ୍ଟଙ୍କ ଉପସ୍ଥିତିରେ କରାଯାଉଛି ଜେରା। ସେପଟେ କେନ୍ଦ୍ରାପଡ଼ା ବାରିମୂଳ ସ୍ଥିତ ଆଶ୍ରମକୁ ମଧ୍ୟ କ୍ରାଇମବ୍ରାଞ୍ଚର ଅନ୍ୟ ଟିମ୍ ଯାଇ ରେଡ୍ କରିଛି। ଆସନ୍ତାକାଲି ସାରଥିଙ୍କ ତିନି ଦିନିଆ ରିମାଣ୍ଡ ସରିବା ପରେ ତାଙ୍କୁ କୋର୍ଟରେ ହାଜର କରାଯିବ। ଏହାପରେ କ୍ରାଇମବ୍ରାଞ୍ଚ ସାରଥିଙ୍କୁ ପୁଣି ଥରେ ୫ ଦିନ ରିମାଣ୍ଡରେ ନେବା ପାଇଁ ଆବେଦନ କରିବ। ସେହି ସମୟରେ ସାରଥିଙ୍କ ପଲିଟିକାଲ ଏବଂ ଚିଟଫଣ୍ଡ ଲିଙ୍କ୍ ସମ୍ପର୍କରେ ପଚରାଉଚୁରା କରିବ । କ୍ରାଇମବ୍ରାଞ୍ଚ ବର୍ତ୍ତମାନ ସାରଥିଙ୍କ ୨୦ରୁ ଅଧିକ ଖାତା ସିଜ୍ କରି ଯାଞ୍ଚ କରୁଛି। ତାଙ୍କର ଗତ ତିନି ବର୍ଷର ବ୍ୟାଙ୍କ ଷ୍ଟେଟମେଣ୍ଟ୍ ମଧ୍ୟ ଯାଞ୍ଚ କରାଯିବ। କଟକ, ଭୁବନେଶ୍ୱର ଏବଂ ପୁରୀରେ ସାରଥୀଙ୍କ ନାଁରେ ଜମି ଥିବା ଠାବ ହୋଇଛି। କେବଳ ସାରଥୀ ନୁହେଁ ଅନ୍ୟ ଲୋକଙ୍କ ନାଁରେ ମଧ୍ୟ ବହୁ ଜମି କିଣିଯାଇଥିବା କ୍ରାଇମବ୍ରାଞ୍ଚ ଏଡିଜି ବି.କେ ଶର୍ମା ସୂଚନା ଦେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
