ସେକ୍ସ ଭିଡିଓ ଦେଖିବା ଓ ରଖିବା କ’ଣ ଅପରାଧ? ଜାଣନ୍ତୁ କ’ଣ କହୁଛି ଆଇନ୍

<p>ବର୍ତ୍ତମାନ ସେକ୍ସ ସିଡିକୁ ନେଇ ଚାରିଆଡ଼େ ଚର୍ଚ୍ଚା ହେଉଛି। ସୋସିଆଲ ମିଡିଆରେ ମଧ୍ୟ ଅଶ୍ଳୀଳ ଭିଡିଓ ସେୟାର କରାଯାଉଛି। ନିକଟରେ ଜଣେ ସାମ୍ବାଦିକ ଜଣେ ବିଜେପି ନେତାଙ୍କର ସେକ୍ସ ସିଡି ରଖି ତାଙ୍କୁ ବ୍ଲାକମେଲ କରୁଥିବାର ଖବର ଶୁଣିବାକୁ ମିଳିଥିଲା। ସେହିଭଳି ଗୁଜରାଟର ପଟିଦାର ନେତା ହାର୍ଦ୍ଦିକ ପଟେଲଙ୍କର ସେକ୍ସ ସିଡି ଏବେବି ଚର୍ଚ୍ଚାରେ ଘେରରେ ରହିଛି। ତେବେ ପ୍ରଶ୍ନ ଉଠୁଛି ସେକ୍ସ ସିଡି ପାଖରେ ରଖିବା କିମ୍ବା ସେକ୍ସ ଭିଡିଓ ଦେଖିବା କ&#039;ଣ ଆଇନ୍&zwnj;ତଃ ଏକ ଅପରାଧ ? ଏହାକୁ ନେଇ କଣ କହୁଛନ୍ତି ଭାରତୀୟ ସମ୍ବିଧାନ? ଏ ବିଷୟରେ କ&#039;ଣ ରହିଛି ଭାରତୀୟ ଆଇନ ବ୍ୟବସ୍ଥା ଆସନ୍ତୁ ଜାଣିବା।</p> <p>ଏହାକୁ ନେଇ ସାଇବର କ୍ରାଇମ୍ ବା ଆଇଟି ଆକ୍ଟ ୨୦୦୨ ନିୟମ ଅନୁସାରେ ଏକ ସ୍ୱତନ୍ତ୍ର ଦଣ୍ଡବିଧାନ ବ୍ୟବସ୍ଥା ରହିଛି। କାହାଠୁ ଅଶ୍ଳୀଳ ଭିଡିଓ ଆଣିବା, ଏହାକୁ ସୋସିଆଲ ମିଡିଆରେ ସେୟାର କରିବା, ସେକ୍ସ ଭିଡିଓ ବାଣ୍ଟିବା ସାଇବର କ୍ରାଇମ ଅନ୍ତର୍ଭୁକ୍ତ। ଯଦି ଅଶ୍ଳୀଳ ଭିଡିଓ କିମ୍ବା ଅଶ୍ଳୀଳ ଫଟୋ ହ୍ୱାଟ୍ସଆପ୍ ଗ୍ରୁପ, ୱେବ୍ ପୋର୍ଟାଲ, ମେସେଜ୍, ମେଲ୍ କିମ୍ବା ଅନ୍ୟ କୌଣସି ସୋସିଆଲ୍ ମିଡିଆରେ ଛଡ଼ାଯାଏ ଓ କେହି ଜଣେ ଏହାକୁ ଡାଉନଲୋଡ଼୍&zwnj; କରେ ତାହେଲେ ଏକ ଅପରାଧ। ଏଥିପାଇଁ ଆଇଟି ଆକ୍ଟ ୬୭ ଅନୁଯାୟୀ ଦଣ୍ଡନୀୟ।</p> <p>ସେକ୍ସ ଭିଡିଓ ଦେଖିସାରି ଏହାକୁ ନଷ୍ଟ କରିଦେଲେ ଏହା ଦଣ୍ଡନୀୟ ଅପରାଧ ନୁହେଁ। କିନ୍ତୁ ଏହାକୁ କମ୍ପ୍ୟୁଟର କିମ୍ବା ମୋବାଇଲରେ ସେଭ୍&zwnj; କରି ରଖିବା ଅପରାଧ। କାରଣ ଏହାଦ୍ୱାରା ଅଶ୍ଲୀଳ ଭିଡିଓର ପ୍ରଚାର ପ୍ରାସାର ହେବାର ଆଶଙ୍କା ଥାଏ। ଏଥିପାଇଁ ଭିଡିଓ ରଖିଥିବା ବ୍ୟକ୍ତିଙ୍କୁ ହିଁ ଦାୟୀ କରାଯାଇଥାଏ। ସେହିଭଳି ସେକ୍ସ ସିଡିର ନକଲ ତିଆରି କରିବା ମଧ୍ୟ ଏକ ଦଣ୍ଡନୀୟ ଅପରାଧ। ଆଇଟି(ଇନଫରମେସନ୍ ଟେକ୍ନୋଲୋଜି) ବା ସୂଚନା ଓ ବୈଷୟିକ ଆଇନ୍&zwnj;ର ଧାରା-୬୭ ଅନୁସାରେ ଏହା ଏକ ଜାମିନ-ଯୁକ୍ତ ଦଣ୍ଡ।</p> <p>ଏଥିରେ ବ୍ୟକ୍ତିଙ୍କୁ ସର୍ବାଧିକ ୩ ବର୍ଷ ଜେଲ ଦଣ୍ଡ ସହିତ ୫ ଲକ୍ଷ ଟଙ୍କା ପର୍ଯ୍ୟନ୍ତ ଜରିମାନା ହୋଇପାରେ। ଯଦି ଭିଡ଼ିଓରେ ଅଶ୍ଳୀଳ ଦୃଶ୍ୟ ରହିଛି ତାହେଲେ ଧାରା 67-A ଅନୁସାରେ ଅତି କମ୍&zwnj;ରେ ୫ ବର୍ଷ ଜେଲ ଦଣ୍ଡ ସହିତ ୧୦ ଲକ୍ଷ ଟଙ୍କା ପର୍ଯ୍ୟନ୍ତ ଜରିମାନା ହୋଇଥାଏ। ସେହିଭଳି, ଏହି ଅଶ୍ଳୀଳ ଭିଡିଓରେ ୧୮ ବର୍ଷରୁ କମ୍ ବୟସର ପିଲା ଥିଲେ ଏହା ଚାଇଲ୍ଡ ପୋର୍ନୋଗ୍ରାଫି ମାମଲାରେ ଅନ୍ତର୍ଭୁକ୍ତ ହୋଇଥାଏ। ଏଥିପାଇଁ ୫ ବର୍ଷ ପର୍ଯ୍ୟନ୍ତ ଜେଲ୍&zwnj; ଦଣ୍ଡର ବ୍ୟବସ୍ଥା ରହିଛି।</p> <p>ଯଦି ଆପଣଙ୍କ ପାଖରେ ସେକ୍ସ ସିଡି କିମ୍ବା ଭିଡିଓ ଅଛି, ତାହାଲେ ତୁରନ୍ତ ଏହାକୁ ନଷ୍ଟ କରିଦିଅନ୍ତୁ। ନହେଲେ ଆପଣଙ୍କ ଉପରେ ବି ହୋଇପାରେ ଏହି ସବୁ କାର୍ଯ୍ୟାନୁଷ୍ଠାନ।</p>