ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p><strong>ବ୍ରହ୍ମପୁର</strong><strong>:</strong> ତିନି ଦିନିଆ ଓଡ଼ିଶା ଗସ୍ତରେ ଆସିଥିବା ବିଜେପି ରାଷ୍ଟ୍ରୀୟ ଅଧ୍ୟକ୍ଷ ସମିତ ଶାହା ଆଜି ମଧ୍ୟାହ୍ନରେ ନବୀନଙ୍କ ଘରେ ଖାଇଲ ଓ ଦୁଃଶାସନଙ୍କ ଘରେ ବିଶ୍ରାମ ନେଲେ। ବୁଥ୍ ସ୍ତରରୁ ଶାସକ ବିଜେଡିକୁ ଚ୍ୟାଲେଞ୍ଜ ଦେବା ପାଇଁ ଆଜି ଏମିତି ଷ୍ଟ୍ରାଟେଜି ଆପଣେଇଥିଲେ ଅମିତ୍ ଶାହା। ଗରିବଙ୍କ ଘରେ ପଙ୍ଗତ ପକାଇ ଓଡ଼ିଶାରେ ଗରିବ କଲ୍ୟାଣ ଯୋଜନାର ପ୍ରୟୋଗଶାଳା ପାଇଁ ଭିତ୍ତି ପକାଇଥିଲେ।</p> <p>କୁକୁଡାଖଣ୍ଡି ଅନ୍ତର୍ଗତ ହୁଗୁଳାପଟା ଗାଁର ନବୀନ ସ୍ୱାଇଁଙ୍କ ଘରେ ଆନନ୍ଦର ଲହରି ଖେଳି ଯାଇଛି। କାରଣ ତାଙ୍କ ଘରେ ଜାତୀୟସ୍ତରର ଜଣେ ନେତା ଭୋଜନ କଲେ। କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ରାଜ୍ୟ ପ୍ରଭାରୀ ଅରୁଣ ସିଂ, ବିଜେପି ବିଧାୟକ ଦଳ ନେତା କନକ ବର୍ଦ୍ଧନ ସିଂହଦେଓ ଏବଂ ଅନ୍ୟାନ୍ୟ ନେତାଙ୍କ ସହ ତଳେ ବସି ଅମିତ ଶାହା ଭୋଜନ କରିଥିଲେ। ଏଥିପାଇଁ ନବୀନ ଓ ତାଙ୍କ ପତ୍ନୀଙ୍କ ପାଦ ତଳେ ଲାଗୁନଥିଲା। ତାଙ୍କ ଘରେ ଶାହା ଭାତ, ଡାଲି, ଶାଗ, ସନ୍ତୁଳା, ଭଜା ଏବଂ ପାଏସ ଆଦି ଖାଇଥିଲେ। ଜଣେ ଗରିବ ଘରକୁ ଅମିତି ଶାହା ଆସୁଥିବାରୁ ସେ ଅତି ଗର୍ବ ଅନୁଭବ କରୁଛନ୍ତି ବୋଲି ନବୀନ କହିଛନ୍ତି।</p> <p>ନବୀନଙ୍କ ଘରେ ଭୋଜନ ପରେ ଲୋଚାପଡ଼ା ଯାଇ ଦୁଃଶାସନଙ୍କ ଘରେ ବିଶ୍ରାମ ନେଇଥିଲେ। ଏହାରି ଭିତରେ ୫ଟି ପରିବାର ସଦସ୍ୟଙ୍କୁ ଭେଟି ସେମାନଙ୍କୁ କେନ୍ଦ୍ର ସରକାରର ସଫଳ ଯୋଜନା ସଂପର୍କିତ ଲିପ୍‌ଲେଟ୍‌ ବାଣ୍ଟିଥିଲେ। ଯେଉଁଥିରେ ବିଜେପି ସହ ଯୋଡ଼ି ହୋଇ ରହିବାର ସନ୍ଦେଶ ରହିଛି।</p> <p><span style="color: #ff0000;"><strong>ପୁଅ ପାଇଁ କାନ୍ଦିଲେ ମହିଳା</strong><strong>: </strong></span>ବଡ଼ ପୋଖରିଆରେ ଅମିତ ଶାହାଙ୍କ ପାଇଁ ଆୟୋଜିତ ସମ୍ବର୍ଦ୍ଧନା ସଭାରେ ଜଣେ ମହିଳା କାନ୍ଦୁଥିବା ଦେଖିବାକୁ ମିଳିଥିଲା। ପଞ୍ଚାୟତ ନିର୍ବାଚନୀ ହିଂସାରେ ସମ୍ପୃକ୍ତ ମହିଳା ଜଣଙ୍କ ତାଙ୍କ ପୁଅକୁ ହରାଇଥିଲେ। ଏନେଇ ଅମିତ ଶାହାଙ୍କୁ ତାଙ୍କ ଦୁଃଖ ଜଣାଇଥିଲେ। ସେଠାରେ ଉପସ୍ଥିତ ଥିବା କେନ୍ଦ୍ର ମନ୍ତ୍ରୀ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ତାଙ୍କୁ ସାନ୍ତ୍ୱନା ଦେଉଥିବା ଦେଖିବାକୁ ମିଳିଥିଲା।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
