ଧର୍ମଗୁରୁଙ୍କୁ ଭେଟି ଭାବବିହ୍ୱଳ: ସଜବାଜ ହୋଇ ନାଚିଲେ, ଗାଇଲେ

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ୬୦ ଦଶକରୁ ନିଜ ମାଟିଠୁ ବିତାଡ଼ିତ ହୋଇ ଭାରତରେ ଏମାନେ ଜିଉଁଛନ୍ତି। ଆମେ କହୁଛୁ ତୀବ୍ବତୀୟଙ୍କ କଥା। ଆଜି ଯେତେବେଳେ ତୀବ୍ବତର ସର୍ବୋଚ୍ଚ ଧର୍ମଗୁରୁ ଦଲାଇ ଲାମା ଓଡ଼ିଶା ଆସିଛନ୍ତି, ତାଙ୍କୁ ଦର୍ଶନ କରିବା ପାଇଁ ଚନ୍ଦ୍ରଗିରିରେ ରହୁଥିବା ତୀବ୍ବତୀୟମାନେ ଦୌଡ଼ି ଆସିଛନ୍ତି। ରାଜଧାନୀରେ ଉତ୍ସବ ଆଳରେ ସେମାନେ ଧର୍ମଗୁରୁଙ୍କୁ ଭେଟିଲେ ଓ ଆଶୀର୍ବାଦ ନେଲେ। ଆଉ ମଜି ଗଲେ ନିଜ ସଂସ୍କୃତି ଓ ମାଆ ମାଟିର ଗୀତରେ।</p> <p>୬୦ ଦଶକର କଥା। ଚୀନର ପାଖରେ ଆତ୍ମସମର୍ପଣ ନକରି ଭାରତର ଶରଣ ନେଲେ ତୀବ୍ଦତୀୟ। ଏମାନେ ହେଲେ ଆମ ଦେଶର ସେହି ପଡୋଶୀ। ଯାହାଙ୍କୁ ଅତିଥିର ମର୍ଯ୍ୟାଦା ଦେଇ ଭାରତ ଦେଇଛି ବଞ୍ଚିବାର ସୁଯୋଗ। ଚୀନର ପ୍ରଭୁତ୍ୱକୁ ସ୍ୱୀକାର ନକରି ଏମାନେ ପାଲଟିଛନ୍ତି ଶରଣାର୍ଥୀ। ଭାରତରେ ଥାଇ ନିଜ ଦେଶ ପାଇଁ ଲଢ଼ୁଛନ୍ତି ସ୍ୱାଧୀନତାର ଲଢ଼େଇ।</p> <p>&lt;a href=&quot;&quot;&gt;(image) &lt;/a&gt;ଜଣେ ଶରଣାର୍ଥୀ କହିଛନ୍ତି-&ldquo;ଚୀନ ଭାବୁଥିବ ଆମେ ଡରିଯାଇଛୁ। ଏପରି ଭାବିବା ଭୁଲ। ଆମେ କେବେହେଲେ ଚୀନକୁ ଡରୁନାହୁଁ। ଏବେବି ଆମର ମନ ହେଉଛି ଚୀନ ଫେରିବାକୁ। ମାତ୍ର ସୁଯୋଗ ମିଳୁନି।&rdquo;</p> <p>ଆଉ ଜଣେ ଶରଣାର୍ଥୀ କହିଛନ୍ତି-&ldquo;ଚୀନ ଯିବାକୁ ମନ କହୁଛି। ମାତ୍ର ଗଲେ ସେମାନେ ଆମକୁ ଧରିନେବେ। ସେଥିପାଇଁ ଯିବାକୁ ଡର ମାଡ଼ୁଛି। ମୁଁ ଏହିଠାରେ ଜନ୍ମ ଗ୍ରହଣ କରିଛି।&rdquo;</p> <p>ତୀବଦ୍ଦତୀୟଙ୍କ ଏ ଭିତରୁ ଅଧିକାଂଶ କେବଳ ବାପଜେଜଙ୍କ ଆଖିରେ ଦେଖିଛନ୍ତି ନିଜ ଦେଶକୁ। ଆଶା ଆଶଙ୍କାର ଏ ଜୀବନ ଭିତରେ ଧର୍ମଗୁରୁ ହେଉଛନ୍ତି ଏକ ମାତ୍ର ଭରସା। ଦୀର୍ଘ ୭ ବର୍ଷ ପରେ ଓଡ଼ିଶା ଆସିଛନ୍ତି ଦଲାଇ ଲାମା। ତେଣୁ ଗଜପତି ଜିଲ୍ଲା ଚନ୍ଦ୍ରଗିରିରୁ ଧାଇଁ ଆସିଛନ୍ତି ଏମାନେ। ସାକ୍ଷାତ ସୁଯୋଗ ପାଲଟିଛି, ଉତ୍ସବର ପରିବେଶ। ପାରମ୍ପରିକ ବେଶରେ ସଜେଇ ହୋଇ ଖୁବ୍&zwnj; ଚାଲିଛି ନାଚଗୀତ।</p> <p>https://youtu.be/h-D-XVx_T3k</p>