କଟକ: ବିଚାରପତିଙ୍କ ଅନୁପସ୍ଥିତି ଯୋଗୁଁ ହୋଇପାରିଲାନି ସନ୍ଦିଗ୍ଧ ଆତଙ୍କବାଦୀ ଅବଦୁର ରେହମାନ୍ର ଶୁଣାଣି। ଏହାପରେ ଦିଲ୍ଲୀ ତିହାର ଜେଲକୁ ଅବଦୁରକୁ ଫେରାଇ ନିଆଯାଇଛି। ଜୁନ୍ ୧୨ରେ ପୁଣି ଥରେ ସାଲେପୁର ଜେଏମ୍ଏଫ୍ସିଙ୍କ କୋର୍ଟରେ ରେହମାନ୍କୁ ହାଜର କରାଯିବ।
କୋର୍ଟରେ ହାଜର କରିବା ପାଇଁ ତାକୁ କଡ଼ା ସୁରକ୍ଷା ମଧ୍ୟରେ ସାଲେପୁରକୁ ଅଣାଯାଇଥିଲା। ଚଳିତ ମାସ ୧୫ ତାରିଖରେ ମଧ୍ୟ ରେହମାନକୁ ସାଲେପୁର କୋର୍ଟରେ ହାଜର କରଯାଇଥିଲା ।
୨୦୧୫ ଡିସେମ୍ବର ୧୫ରେ ଦିଲ୍ଲୀ ପୋଲିସ୍ର ସ୍ପେଶାଲ ସେଲ୍ ଓ କମିଶନରେଟ ପୋଲିସ ମିଳିତ ଚଢ଼ାଉ କରି ରେହମାନକୁ କଟକ ଜିଲ୍ଲା ଜଗତପୁର ଥାନା ଅନ୍ତର୍ଗତ ପଶ୍ଚିମକଚ୍ଛ ଗାଁରୁ ଗିରଫ କରିଥିଲେ। ରେହମାନ୍ ବିରୁଦ୍ଧରେ ସେଠାରେ ବେଆଇନ ଭାବେ ମଦ୍ରାସା ଚଳାଇବା ଏବଂ ଏକ୍ୟୁଆଇଏସ୍ ପାଇଁ ସଦସ୍ୟ ନିଯୁକ୍ତ କରିବା ଆଦି ଗୁରୁତର ଅଭିଯୋଗ ରହିଛି।