ପୁଣେ: ଜଣେ ଚାହାବାଳାର ମାସକର ରୋଜଗାର କେତେ ହୋଇଥିବ ? ଆପଣ କେତେ ଭାବୁଛନ୍ତି ? ନିଶ୍ଚିତ ଭାବୁଥିବେ ଅତି ବେଶିରେ ୧୫ରୁ ୨୦ ହଜାର ହୋଇଥିବ। ଏହା ବି ବହୁତ ବେଶି ହୋଇଯାଉଛି, କାରଣ ସବୁ ଚାହାବାଲାଙ୍କ ରୋଜଗାର ଏତେ ନୁହେଁ। ହେଲେ ଆଜି ଏମିତି ଜଣେ ଚାହାବାଲାଙ୍କ ବିଷୟରେ କହିବାକୁ ଯାଉଛୁ, ଯାହାଙ୍କ ମାସକର ରୋଜଗାର କଥା ଶୁଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ। ଏହି ଚାହାବାଲା ୧୫ କି ୨୦ ହଜାର ନୁହେଁ ୧୦ରୁ ୧୨ ଲକ୍ଷ ଟଙ୍କା ମାସକୁ ରୋଜଗାର କରୁଛନ୍ତି। ଏବେ ସେ ତାଙ୍କ ଚାହାର ବ୍ରାଣ୍ଡକୁ ସାରା ବିଶ୍ୱରେ ପରିଚିତ କରାଇବାକୁ ଯୋଜନା ରଖିଛନ୍ତି। ଆସନ୍ତୁ ଜାଣିବା ଏହି ସଫଳ ଚାହାବାଲାଙ୍କ କାହାଣୀ।
ପୁଣେର ଏହି ଚାହାବାଲା ଜଣଙ୍କ ହେଲେ ନଭନାଥ ୟେୱଲ। ଆଜି ନିଜ ଚାହାର ବ୍ରାଣ୍ଡ ପାଇଁ ସେ ମହାରାଷ୍ଟ୍ରର ସବୁଠାରୁ ଧନୀ ଚାହାବାଲା ହୋଇପାରିଛନ୍ତି। ଆଜିକାଲି ନିଜ ରୋଜଗାର ଓ ଚାହା ବ୍ରାଣ୍ଡକୁ ନେଇ ନଭନାଥ ଚର୍ଚ୍ଚାରେ ରହିଛନ୍ତି। ଏବେ ମହାରାଷ୍ଟ୍ରରେ ନଭନାଥଙ୍କ ୟେୱଲ ଟି-ଷ୍ଟଲ୍ ବହୁତ ଫେମସ୍ ହୋଇଯାଇଛନ୍ତି।
ନଭନାଥଙ୍କ ଦୁଇଟି ଯାକ ଚାହା ଷ୍ଟଲରେ ୧୦ରୁ ୧୨ ଜଣ ଲେଖାଏଁ କର୍ମଚାରୀ କାମ କରୁଛନ୍ତି।