ରାସ୍ତାରେ ପୂଜା ସାମଗ୍ରୀ, ପଛରେ ପୋଲିସ୍‌ ବାବୁ: କିଏ ଜଗିଛି କାହାକୁ, ପଢନ୍ତୁ ରିପୋର୍ଟ

<p>ଆନନ୍ଦପୁର: ରାସ୍ତା ଉପରେ ପୂଜା ସାମଗ୍ରୀ। କଦଳୀ, ନଡିଆ, କ୍ଷୀର, ଧୂପ ଓ ଦୀପ। ମହିଳା ଓ ପୁରୁଷମାନେ ଘେରି ରହିଛନ୍ତି। ଗାଡି ସହ ପଛରେ ଛିଡା ହୋଇଛନ୍ତି ପୋଲିସ୍&zwnj; ବାବୁମାନେ। ଏଠାରେ ଏମିତି କି ପୂଜା ହେଉଛି ଯେ ପୋଲିସ ଜଗିଛି ? ପ୍ରକୃତ କଥା ଶୁଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ। ଏଠାରେ କିଛି ପୂଜା ହେଉନାହିଁ କି ପୋଲିସ୍&zwnj; କାହାକୁ ଜଗି ନାହିଁ। ବରଂ ପୂଜା ସାମଗ୍ରୀ ଥୋଇ ପୋଲିସ୍&zwnj;କୁ ଜଗିଛନ୍ତି ଗ୍ରାମବାସୀ। କାଳେ ପୋଲିସ୍&zwnj; ବାବୁମାନେ ଖସି ପଳାଇବେ ସେଥିପାଇଁ ଏହି ଅଭିନବ ଉପାୟ ଆପଣେଇଛନ୍ତି ଗ୍ରାମବାସୀ।</p> <p>ଏ ଘଟଣା ହେଉଛି କେନ୍ଦୁଝର ଜିଲ୍ଲା ଆନନ୍ଦପୁର ଥାନା ବଞ୍ଚୋ ଗାଁର। ବିନା ସର୍ଚ୍ଚ ୱାରେଣ୍ଟରେ ପୋଲିସ୍&zwnj; ଗ୍ରାମର ଜଣେ ବ୍ୟକ୍ତିଙ୍କ ଘରେ ପଶିବା ପରେ ଗ୍ରାମର ମହିଳା ପୁରୁଷମାନେ ଏପରି ଅଭିନବ ଉପାୟରେ ଅଟକାଇଛନ୍ତି ସେମାନଙ୍କୁ।</p> <p>[vc_video link=&quot;&quot; align=&quot;center&quot;]</p> <p>ସୂଚନାଯୋଗ୍ୟ, ବଞ୍ଚୋ ଘାଟରୁ ବାଲି ଉତ୍ତୋଳନକୁ ନେଇ ଦୁଇ ଗୋଷ୍ଠୀଙ୍କ ମଧ୍ୟରେ ଦୀର୍ଘଦିନରୁ ମହାଁମୁହିଁ ପରିସ୍ଥିତି ଲାଗି ରହିଥିଲା। ଏପରିକି ମାମଲା ଥାନାକୁ ଯାଇଥିଲା। ଗତକାଲି ପୋଲିସ ଉଭୟ ପକ୍ଷଙ୍କୁ ଥାନାକୁ ଡାକି ଘଟଣାର ସମାଧାନ କରିବାକୁ ଚେଷ୍ଟା କରିବାକୁ ଉଦ୍ୟମ କରିଥିଲା। କିଛି ଫଳାଫଳ ବାହାରିବା ପୂର୍ବରୁ ଆଜି ସକାଳେ ପୋଲିସ ବିନା ସର୍ଚ୍ଚ ୱାରେଣ୍ଟ୍ ଜଣକ ଘରେ ପଶିବାକୁ ଉଦ୍ୟମ କରିଥିଲା। ଏହାକୁ ସ୍ଥାନୀୟ ଲୋକେ ବିରୋଧ କରିଥିଲେ।</p> <p>ମହିଳାମାନେ ପୋଲିସ ଓ ସେମାନଙ୍କ ଗାଡ଼ିକୁ ଅଟକ ରଖିଥିଲେ। ସେମାନଙ୍କୁ ଛାଡ଼ି ନ ଥିଲେ। ଏ ସମ୍ପର୍କରେ ଆନନ୍ଦପୁର ଉପଜିଲ୍ଲାପାଳ ଓ ଏସ୍&zwnj;ଡିପିଓ ଖବର ପାଇ ସେମାନଙ୍କୁ ଉଦ୍ଧାର କରିବା ପାଇଁ ଗାଁରେ ପହଞ୍ଚିଥିଲେ। ମାତ୍ର ଗାଁ ଲୋକେ ସେମାନଙ୍କ ଜିଦ୍&zwnj;ରେ ଅଟଳ ରହିଥିଲେ।</p>