ଭୁବନେଶ୍ୱର: ବିଧାନସଭାର ଶୀତ ଅଧିବେଶନ ମଙ୍ଗଳବାର ଆରମ୍ଭ ହୋଇଛି। ଅଧିବେଶନ ଆରମ୍ଭରେ ପରମ୍ପରା ଅନୁଯାୟୀ ବାଚସ୍ପତିଙ୍କୁ ଗାର୍ଡ ଅଫ୍ ଅନର୍ ଦିଆଯାଇଥିଲା। ଏହାପରେ ଗୃହ ଭିତରେ ୪ଜଣ ଦିବଙ୍ଗତ ସଦସ୍ୟଙ୍କୁ ଶ୍ରଦ୍ଧାଞ୍ଜଳି ଦିଆଯାଇଥିଲା। ଦିବଙ୍ଗତ ସଦସ୍ୟମାନେ ହେଲେ ଚନ୍ଦ୍ରଶେଖର ପ୍ରଧାନ, ରବିନ୍ଦ୍ର କୁମାର ଦାସ, ରାଜକିଶୋର ପ୍ରଧାନ ଏବଂ ବିଧୁଭୂଷଣ ପ୍ରହରାଜ। ଶ୍ରଦ୍ଧାଞ୍ଜଳି ପରେ ପ୍ରଶ୍ନକାଳ ଆରମ୍ଭ ହେବାର ଥିଲା। ବିରୋଧୀ ଦଳ ନେତା ପ୍ରଶ୍ନକାଳ ବାତିଲ କରି ଚାଷୀ ଆତ୍ମହତ୍ୟା ପ୍ରସଙ୍ଗରେ ଆଲୋଚନା ପାଇଁ ଦାବି କରିଥିଲେ। ହେଲେ ବାଚସ୍ପତି ଏହାକୁ ଅଗ୍ରାହ୍ୟ କରିଦେବାରୁ କଂଗ୍ରେସ ସଦସ୍ୟମାନେ ଗୃହ ମଧ୍ୟଭାଗକୁ ଆସି ହଟ୍ଟଗୋଳ କରିଥିଲେ। ଫଳରେ ଗୃହକୁ ଅପରାହ୍ନ ୩ଟା ଯାଏଁ ମୁଲତବୀ କରିଦେଇଛନ୍ତି ବାଚସ୍ପତି ନିରଞ୍ଜନ ପୂଜାରୀ।
ସେପଟେ ଖାଦ୍ୟ ନିରାପତ୍ତା ଆଇନ୍ ଖାଉଟି କାର୍ଡ ବଣ୍ଟନରେ ଅନିୟମିତତା ନେଇ ବିଜେପି ପକ୍ଷରୁ ମୁଲତବୀ ନୋଟିସ ଦିଆଯାଇଛି। ଅପରାହ୍ନରେ ଅର୍ଥମନ୍ତ୍ର ପ୍ରଦୀପ ଅମାତ ଅତିରିକ୍ତ ବଜେଟ୍ ଉପସ୍ଥାପନ କରିବେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
