ଜାତୀୟ ରେକର୍ଡ ଭାଙ୍ଗିଲେ ଦୂତୀ ଚାନ୍ଦ

ରାଞ୍ଚି: ରାଞ୍ଚିରେ ଚାଲିଥିବା ଜାତୀୟ ଓପନ୍ ଆଥଲେଟିକ୍ସ ଚାମ୍ପିୟନଶିପରେ ଓଡ଼ିଶାର ଷ୍ଟାର୍ ସ୍ପ୍ରିଣ୍ଟର୍ ଦୂତୀ ଚାନ୍ଦ ୧୦୦ ମିଟରରେ ଜାତୀୟ ରେକର୍ଡ ଭାଙ୍ଗିଛନ୍ତି। ପୂର୍ବରୁ ୧୦୦ ମିଟରରେ ଜାତୀୟ ରେକର୍ଡ ୧୧.୨୬ ସେକେଣ୍ଡ ଥିଲା। କିନ୍ତୁ ଶୁକ୍ରବାର ଦୂତୀ ୧୧.୨୨ ସେକେଣ୍ଡରେ ୧୦୦ ମିଟର୍ ଅତିକ୍ରମ କରି ଏହି ରେକର୍ଡକୁ ପଛରେ ପକାଇଛନ୍ତି।

ମହିଳା ୧୦୦ ମିଟରରେ ପୂର୍ବ ଜାତୀୟ ରେକର୍ଡ ଉଭୟ ଦୂତୀ ଓ ରଚିତା ମିସ୍ତ୍ରୀ (୧୧.୨୬ ସେକେଣ୍ଡ)ଙ୍କ ନାଁରେ ଥିଲା। ଏହି ନୂଆ ଟାଇମିଂ ସହ ଦୂତୀ ୨୦୨୦ ଟୋକିଓ ଅଲିମ୍ପିକକୁ କ୍ୱାଲିଫିକେଶନ୍ ମାର୍କର ନିକଟତର ହୋଇଛନ୍ତି। ୧୦୦ ମିଟରରେ ଅଲିମ୍ପିକ୍ କ୍ୱାଲିଫାଏ ପାଇଁ ୧୧.୧୫ ସେକେଣ୍ଡ ସମୟ ଧାର୍ଯ୍ୟ ରଖାଯାଇଛି।

ଦୂତୀ ଯଦି ୧୦୦ ମିଟର ଫାଇନାଲକୁ ୧୧.୧୫ ସେକେଣ୍ଡରେ ଅତିକ୍ରମ କରନ୍ତି, ତାହେଲେ ତାଙ୍କର ଅଲିମ୍ପିକ୍ ଟିକେଟ୍ ପକ୍କା ହୋଇଯିବ। ନିକଟରେ ଆୟୋଜିତ ୱାର୍ଲ୍ଡ ଆଥଲେଟିକ୍ସ ଚାମ୍ପିୟନଶିପରେ ଦୂତୀ ମହିଳା ୧୦୦ ମିଟର୍ ସେମିଫାଇନାଲରୁ ବିଦାୟ ନେଇଥିଲେ। ସେ ତୃତୀୟ ହିଟରେ ସପ୍ତମ ସ୍ଥାନରେ ରହିଥିଲେ।