ନୂଆଦିଲ୍ଲୀ: ମୋଦି ସରକାରଙ୍କ କାର୍ଯ୍ୟକାଳର ୪ ବର୍ଷ ପୂର୍ତ୍ତି ପରେ ଉତ୍ତର ପ୍ରଦେଶରେ ‘ବିଶ୍ୱାସଘାତ ଦିବସ’ ପାଳନ କରୁଥିବା ଶହେରୁ ଅଧିକ କଂଗ୍ରେସ୍ କର୍ମୀଙ୍କ ବିରୁଦ୍ଧରେ ମାମଲା ରୁଜୁ ହୋଇଛି। ଯେଉଁ ନେତାମାନଙ୍କ ବିରୋଧରେ ମାମଲା ରୁଜୁ ହୋଇଛି ସେମାନଙ୍କ ମଧ୍ୟରେ ରାଜ ବବ୍ବର, କଂଗ୍ରେସ ବିଧାୟକ ଦଳର ନେତା ଅଜୟ ସିଂହ ଲଲ୍ଲୁ, ପୂର୍ବ ରାଜ୍ୟସଭା ସାଂସଦ ନସୀମୁଦ୍ଦିନ୍ ସିଦ୍ଦିକି ଓ ରାଜ୍ୟସଭା ସାଂସଦ ଦୀପକ ସିଂହ ସାମିଲ ଅଛନ୍ତି।
ସୂଚନା ଅନୁଯାୟୀ କଂଗ୍ରେସ କାର୍ଯ୍ୟକର୍ତ୍ତାଙ୍କ ଉପରେ ଅବୈଧ ଭାବେ ଏକତ୍ରିତ ହେବା, ଲୋକମାନଙ୍କୁ ଜବରଦସ୍ତ ବନ୍ଧକ ରଖିବା, ସରକାରୀ ଅଧିକାରୀଙ୍କ ପରେ ଆକ୍ରମଣ କରିବା ଅଭିଯୋଗରେ ଆଇପିସି ଧାରା ୧୪୩, ୩୪୧, ୩୫୩, ୨୮୩ ଅନୁଯାୟୀ ମାମଲା ରୁଜୁ ହୋଇଛି। ଉତ୍ତରପ୍ରଦେଶର ରାଜଧାନୀ ଲକ୍ଷ୍ନୌର କେଶରବାଗ ଥାନାରେ ଏହି ମାମଲା ରୁଜୁ ହୋଇଛି।
ସୂଚନା ଯୋଗ୍ୟ ଯେ ମୋଦି ସରକାରଙ୍କ ୪ ବର୍ଷ ପୁର୍ତ୍ତି ଅବସରରେ ନିର୍ବାଚନ ପୂର୍ବରୁ ଦିଆଯାଇଥିବା ପ୍ରତିଶ୍ରୁତି ପୂରଣ ହୋଇନଥିବା ଅଭିଯୋଗ କରି କଂଗ୍ରେସ ଗତକାଲି ସାରା ଦେଶରେ ‘ବିଶ୍ୱାସଘାତ ଦିବସ’ ଆୟୋଜନ କରିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
