କୋଇଡ଼ା(ଓଡ଼ିଶା ରିପୋର୍ଟର):ସୁନ୍ଦରଗଡ଼ ଜିଲ୍ଲା କୋଇଡା ଥାନା ଅନ୍ତର୍ଗତ ଚଣ୍ଡୀଶର୍ମା ହାଟିଙ୍ଗରେ ଥିବା ଏକ ପରିତ୍ୟକ୍ତ ଘର ଭିତରୁ ଜଣେ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଛି। ମୃତ ଯୁବକ ଜଣଙ୍କ ହେଲେ ପାଉଲେଶ ମୁଣ୍ଡା। ତାଙ୍କ ଘର ଦେବଗଡ଼ ଜିଲ୍ଲାରେ ବୋଲି ଜଣାଯାଇଛି।
ପାଉଲେଶ କିଛିଦିନ ହେବ ଚଣ୍ଡୀଶର୍ମା ହାଟିଙ୍ଗରେ ନିଜ ପରିବାର ସହିତ ରହି ଆସୁଥିଲେ। ଆଜି ସକାଳେ ହାଟିଙ୍ଗରେ ଥିବା ଏକ ପରିତ୍ୟକ୍ତ ଘର ଭିତରୁ ତାଙ୍କ ମୃତଦେହ ଉଦ୍ଧାର କରାଯାଇଥିଲା।
ପାଉଲେଶ ଓ ତାଙ୍କ ସ୍ତ୍ରୀ ମଧ୍ୟରେ କିଛି ଦିନ ହେବ କଳି ଲାଗି ରହୁଥିଲା। ପାରିବାରିକ କଳହଯୋଗୁ ପାଉଲେଶ ଆତ୍ମହତ୍ୟା କରି ଥାଇପାରନ୍ତି ବୋଲି ସନ୍ଦେହ କରଯାଉଛି। ପାଉଲେଶଙ୍କୁ ହତ୍ୟା କାରାଯାଇଛି ନା ଆତ୍ମହତ୍ୟା କରିଛନ୍ତି ତାହା ଅସଷ୍ଟ ରହିଛି।
ପୁଲିସ ମୃତଦେହକୁ ଉଦ୍ଧାର କରି ଘଟଣାର ତଦନ୍ତ କରୁଛି। ପାଉଲେଶଙ୍କର ୪ଟି ସନ୍ତାନ ଅଛନ୍ତି।