ଜଗତସିଂହପୁର: ଜଗତସିଂହପୁର ଜିଲ୍ଲା ବାଲିକୁଦା ଥାନା ଅନ୍ତର୍ଗତ କଣ୍ଟି ଗାଁରେ ଏକ ବାଣ କାରଖାନାରେ ବିସ୍ଫୋରଣ ଘଟି ଦୁଇ ଜଣଙ୍କ ମୃତ୍ୟୁ ଘଟିଛି। ଏ ଦୁଇ ଜଣ ମା’ ଓ ଝିଅ। ସେମାନଙ୍କ ନାଁ ଝାନସୀରାଣୀ ବିଶ୍ୱାଳ ଓ ଝରଣା। ସେମାନଙ୍କ ଶରୀର ଖଣ୍ଡବିଖଣ୍ଡିତ ହୋଇଯାଇଛି। ଏହା ସହିତ ୩ ବଖରା ଘର ଭୁଶୁଡ଼ି ପଡ଼ିଛି। ଖବର ପାଇ ପୋଲିସ୍ ଘଟଣାସ୍ଥଳକୁ ଯାଇ ତଦନ୍ତ ଚଳାଇଛି।
ଗାଁ ଲୋକଙ୍କଠାରୁ ମିଳିଥିବା ସୂଚନା ଅନୁଯାୟୀ ଗୁରୁବାର ରାତି ପ୍ରାୟ ୩ଟା ବେଳେ ଗାଁର ନରେନ୍ଦ୍ର ବିଶ୍ୱାଳ ଘରେ ଜୋରରେ ବିସ୍ଫୋରଣ ହୋଇଥିଲା। ଘଟଣାସ୍ଥଳରେ ହିଁ ନରେନ୍ଦ୍ରଙ୍କ ପତ୍ନୀ ଝାନସୀରାଣୀ ଓ ୧୮ ବର୍ଷୀୟ ଝିଅ ଝରଣାଙ୍କ ମୃତ୍ୟୁ ଘଟିଥିଲା। ତେବେ ନରେନ୍ଦ୍ର ବର୍ତ୍ତି ଯାଇଛନ୍ତି। ମା’ଝିଅ ବାଣ ଭିଡ଼ୁଥିବା ବେଳେ ଏହି ଘଟଣା ଘଟିଥିବା କୁହାଯାଉଛି।
ଏହି ବାଣ କାରଖାନାଟି ପଞ୍ଜୀକୃତ ନା ବେଆଇନ ଭାବେ ଚାଲିଥିଲା ତାହା ପୋଲିସ୍ ତଦନ୍ତ ପରେ ଜଣାପଡ଼ିବ। ତେବେ ଏହି ଘଟଣା ପରେ ଗାଁରେ ଶୋକାକୂଳ ବାତାବରଣ ସୃଷ୍ଟି ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
