ସ୍ୱାମୀ ଓ ପୁଅ ସାମ୍ନାରେ ମହିଳାଙ୍କୁ ଗୁଳିମାରି ହତ୍ୟା

ନୂଆଦିଲ୍ଲୀ:  ଗୁରୁଦ୍ୱାରରୁ ପରିବାରର ମଙ୍ଗଳ ମନାସୀ ଫେରୁଥିଲେ ପ୍ରିୟା ମେହେରା । ସାଙ୍ଗରେ ଥିଲେ ସ୍ୱାମୀ ପଙ୍କଜ ଓ ୨ ବର୍ଷର ପୁଅ । ହଠାତ୍ ତାଙ୍କ ଗାଡି ସାମ୍ନାରେ ଗୁଳି ଫୁଟିଲା। କିଛି ଜାଣିବା ଆଗରୁ ନିସ୍ତେଜ ହୋଇଗଲେ ପ୍ରିୟା । ଏହି ଦୁଃଖଦ ଘଟଣା ଘଟିଛି ରାଜଧାନୀ ଦିଲ୍ଲୀର ସାଲିମାର ବାଗ୍ ଅଞ୍ଚଳରେ।

ମଙ୍ଗଳବାର ରାତିରେ ମେହେରା ପରିବାର ଗୋଟିଏ କାରରେ ଗୁରୁଦ୍ୱାରରୁ ଘରକୁ ଫରୁଥାନ୍ତି। ଏତିକି ବେଳେ ଅନ୍ୟ ଗୋଟିଏ ଗାଡିରେ କେତେକ ଦୁର୍ବୃତ୍ତ ତାଙ୍କୁ ପିଛା କରି ଯାଉଥାନ୍ତି। କିଛି ବୁଝିବା ଆଗରୁ ହଠାତ୍ ଗୁଳି ଚାଳନା ଆରମ୍ଭ ହୋଇଯାଏ । ଦୁର୍ବୃତ୍ତମାନଙ୍କ ଲକ୍ଷ୍ୟରେ ପଙ୍କଜ ରହିଥିଲେ ହେଁ ଗୁଳି ବାଜେ ପ୍ରିୟାଙ୍କ ଛାତିରେ। ତୁରନ୍ତ ତାଙ୍କୁ ସ୍ଥାନୀୟ ଡାକ୍ତରଖାନାର ଭର୍ତ୍ତି କରାଯାଇଥିଲେ ହେଁ ଡାକ୍ତର ତାଙ୍କୁ ମୃତ  ଘୋଷଣା କରନ୍ତି।

ଅନ୍ୟପକ୍ଷରେ ମେହେର ପରିବାର ପକ୍ଷରୁ ଅଭିଯୋଗ ହୋଇଛି ଯେ, ପୋଲିସ ଓ ଡାକ୍ତରଖାନା କର୍ତ୍ତୁପକ୍ଷଙ୍କ ଅବହେଳା ଯୋଗୁଁ ପ୍ରିୟାଙ୍କ ମୃତ୍ୟୁ ହୋଇଛି। ଯଦି ଶୀଘ୍ର ଚିକିତ୍ସା ଆରମ୍ଭ ହୋଇଥାନ୍ତା ହୁଏତ ସେ ବଞ୍ଚି ଯାଇଥାଆନ୍ତେ।