ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଯବାନଙ୍କ ସହ ଦୀପାବଳୀ ପାଳନ କରିଛନ୍ତି। ସେ ହିମାଚଳ ପ୍ରଦେଶର କିନ୍ନୌରଠାରେ ଆଇଟିବିପି, ଭାରତୀୟ ସେନା ଓ ଡୋଗ୍ରା ସ୍କାଉଟ୍ର ଯବାନଙ୍କୁ ଭେଟିଛନ୍ତି।
ସେହିପରି ଆଜି ‘ମନ୍ କି ବାତ୍’ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ସମସ୍ତଙ୍କୁ ଦୀପାବଳୀର ଶୁଭେଚ୍ଛା ଜଣାଇଥିଲେ। ଏଥିରେ ସେ ଭାରତୀୟ ଯବାନଙ୍କ କାର୍ଯ୍ୟକୁ ପ୍ରଶଂସା କରିଥିଲେ।
ସେ କହିଥିଲେ,“ଗତ କିଛି ମାସ ହେଲା ଯବାନମାନେ ନିଜ ଜୀବନ ଦେଇ ଆମର ସୁରକ୍ଷା କରୁଛନ୍ତି। ସେଥିପାଇଁ ଆମେ ଚଳିତ ଦୀପାବଳୀକୁ ସେମାନଙ୍କ ପାଇଁ ମନାଇବା ଦରକାର।”
ପ୍ରଧାନମନ୍ତ୍ରୀ କହିଥିଲେ,“ସାରା ଦେଶରୁ ଯବାନଙ୍କ ପାଇଁ ଦୀପାବଳୀ ଶୁଭେଚ୍ଛା ଆସୁଛି। ଅଶିକ୍ଷା, କୁସଂସ୍କାର ଓ ଅନ୍ଧକାରରୁ ମୁକ୍ତି ହିଁ ଦୀପାବଳୀ।”
ଦୀପାବଳୀରେ ସତର୍କ ରହି ବାଣ ଫୁଟାଇବାକୁ ମୋଦି ଦେଶବାସୀଙ୍କୁ ଉପଦେଶ ଦେଇଛନ୍ତି।
ସେ ଆହୁରି କହିଥିଲେ,“ମିଶନ ଇନ୍ଦ୍ରଧନୁଷ ଜରିଆରେ ସାରା ଦେଶରେ ଟୀକାକରଣ ଚାଲୁ ରହିଛି। ତଥାପି ଶିଶୁଙ୍କ ମୃତ୍ୟୁ ହେଉଛି।”