ସ୍ୟାଟ୍ ଉଚ୍ଛେଦ ପ୍ରସଙ୍ଗ: ଆଜି କାର୍ଯ୍ୟରେ ଯୋଗ ଦେବେ ରାଜ୍ୟର ସମସ୍ତ ଓକିଲ

ଭୁବନେଶ୍ୱର: ଆଜି କାର୍ଯ୍ୟରେ ଯୋଗ ଦେବେ ରାଜ୍ୟର ସମସ୍ତ ଓକିଲ। ସ୍ୟାଟ୍ ଉଚ୍ଛେଦ ପ୍ରତିବାଦ ନେଇ ମୁଖ୍ୟମନ୍ତ୍ରୀଙ୍କୁ ଭେଟିବା ପରେ ଏହା କହିଛନ୍ତି ଷ୍ଟେଟ ବାର୍ କାଉନସିଲର ଅଧ୍ୟକ୍ଷ ମାନସ ମହାପାତ୍ର। ସ୍ୟାଟ୍ ଉଚ୍ଛେଦ ହେଲେ ପ୍ରାୟ ଏକ ହଜାର ଆଇନଜୀବୀ କ୍ଷତିଗ୍ରସ୍ତ ହେବା ସହିତ ସ୍ୱଳ୍ପ ଖର୍ଚ୍ଚରେ ଗରିବ କର୍ମଚାରୀମାନେ ନ୍ୟାୟ ପାଇବାରୁ ବଂଚିତ ହେବେ। ଏଥିସହ ଉଚ୍ଚ ନ୍ୟାୟାଳୟରେ ତିନି ଲକ୍ଷ ପଚାସ ହଜାର ମାମଲା ପଡି ରହିଥିବାରୁ ନିର୍ଦ୍ଦିଷ୍ଟ ସମୟ ସୀମା ଭିତରେ ନ୍ୟାୟ ପାଇପାରିବେ ନାହିଁ ବୋଲି ଗତକାଲି ରାଜ୍ୟ ସଚିବାଳୟରେ ଏନେଇ ମୁଖ୍ୟମନ୍ତ୍ରୀଙ୍କୁ ସ୍ମାରକପତ୍ର ଦେଇଛନ୍ତି। ଏହାସହିତ ରାଜ୍ୟରେ ଇଣ୍ଡଷ୍ଟ୍ରିଆଲ ଟ୍ରିବୁନାଲ, କୋ-ଅପରେଟିଭ ଟ୍ରିବୁନାଲ ଓ ଏଜୁକେସନ ଟ୍ରିବୁନାଲ ଥିବାବେଳେ ସ୍ୟାଟ ଉଚ୍ଛେଦ ନେଇ ଆଉ ଥରେ ତର୍ଜମା କରିବାକୁ ଦାବି କରିଛନ୍ତି। ତେବେ ଏନେଇ ତର୍ଜମା କରିବେ ବୋଲି ମୁଖ୍ୟମନ୍ତ୍ରୀଙ୍କ ଠାରୁ ପ୍ରତିଶୃତି ପାଇବା ପରେ ଆନ୍ଦୋଳନରୁ ଓହରିଛି ଓକିଲ ସଂଘ। ତେବେ ଆସନ୍ତାଦୁଇ ସପ୍ତାହ ମଧ୍ୟରେ ସରକାର ନିଷ୍ପତ୍ତି ନ ନେଲେ ପରବର୍ତ୍ତି ପଦକ୍ଷେପ ନେବ ବୋଲି ସଂଘ କହିଛି ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।