ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ନୂଆଦିଲ୍ଲୀ: ଉଡ଼ନ୍ତା ବିମାନରେ ବୟଫ୍ରେଣ୍ଡ୍‌ଙ୍କ ପ୍ରେମ ନିବେଦନ ସ୍ୱୀକାର କରିବା ଚୀନ୍‌ର ଜଣେ ଏୟାର୍‌ହୋଷ୍ଟେସ୍‌ଙ୍କ ପାଇଁ ମହଙ୍ଗା ପଡ଼ିଛି। ଏହି କାରଣରୁ ଚାଇନା ଇଷ୍ଟର୍ଣ୍ଣ ଏୟାର୍‌ଲାଇନ୍‌ସ ସଂପୃକ୍ତ ଏୟାର୍‌ହୋଷ୍ଟେସ୍‌ଙ୍କୁ ଚାକିରିରୁ ବିଦା କରି ଦେଇଛି।</p> <p>ଘଟଣାଟି ଗତ ମେ' ମାସର। ସୂଚନା ଅନୁସାରେ, ଏୟାର୍‌ହୋଷ୍ଟେସ୍‌ ପ୍ରେମିକାଙ୍କୁ ପ୍ରେମ ନିବେଦନ ପାଇଁ ଜଣେ ବ୍ୟକ୍ତି ପୂର୍ବ ଯୋଜନା ଅନୁସାରେ ବିମାନରେ ଚଢ଼ିଥିଲେ। ବିମାନଟି ଟେକ୍‌ ଅଫ୍‌ କରିବାର ଅଧ ଘଣ୍ଟା ପରେ ହଠାତ୍‌ ବ୍ୟକ୍ତି ଜଣଙ୍କ ଏୟାର୍‌ହୋଷ୍ଟେସ୍‌ ପ୍ରେମିକାଙ୍କ ଆଗରେ ଆଣ୍ଠୁ ମାଡ଼ି ବସି ପଡ଼ିବା ସହ ସର୍ବସମ୍ମୁଖରେ ତାଙ୍କୁ ପ୍ରେମ ନିବେଦନ କରିଥିଲେ। ଏୟାର୍‌ହୋଷ୍ଟେସ୍‌ ପ୍ରେମିକା ମଧ୍ୟ ବୟଫ୍ରେଣ୍ଡ୍‌ଙ୍କ ଏହି ପ୍ରେମ ନିବେଦନକୁ ତତ୍‌କ୍ଷଣାତ୍‌ ସ୍ୱୀକାର କରି ନେଇଥିଲେ। ଏହି ରୋମାଣ୍ଟିକ୍‌ ଦୃଶ୍ୟ ଦେଖି ବିମାନର ଯାତ୍ରୀମାନେ ତାଳି ମାରି ଉଭୟଙ୍କୁ ଶୁଭେଚ୍ଛା ଜଣାଇଥିଲେ। ଏହି ଭିଡିଓ ସୋଶାଲ୍‌ ମିଡିଆରେ ମଧ୍ୟ ଭାଇରାଲ୍‌ ହୋଇଛି।</p> <p>ତେବେ ଉଡ଼ନ୍ତା ବିମାନରେ ‌ଏୟାର୍‌ହୋଷ୍ଟେସ୍‌ଙ୍କ ଏପରି କାର୍ଯ୍ୟକୁ ଚାଇନା ଇଷ୍ଟର୍ଣ୍ଣ ଏୟାର୍‌ଲାଇନ୍‌ସ କର୍ତ୍ତୃପକ୍ଷ ସହଜରେ ଗ୍ରହଣ କରି ପାରିନଥିଲେ। ଏହି କାରଣରୁ ସେପ୍ଟେମ୍ବର ୧୦ ତାରିଖରେ ସଂପୃକ୍ତ ଏୟାର୍‌ହୋଷ୍ଟେସ୍‌ଙ୍କୁ ଚାକିରିରୁ ବିଦା କରି ଦିଆଯାଇଛି। ଚାଇନା ଇଷ୍ଟର୍ଣ୍ଣ ଏୟାର୍‌ଲାଇନ୍‌ସ ପକ୍ଷରୁ ଏନେଇ ଏକ ସ୍ପଷ୍ଟୀକରଣରେ କୁହାଯାଇଛି ଯେ ସଂପୃକ୍ତ ଏୟାର୍‌ହୋଷ୍ଟେସ୍‌ ଯାତ୍ରୀଙ୍କ କଥା ବୁଝିବା ପରିବର୍ତ୍ତେ ନିଜ ବ୍ୟକ୍ତିଗତ କାମରେ ସବୁବେଳେ ବ୍ୟସ୍ତ ରହୁଥିଲେ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
