ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର(ଓଡ଼ିଶା ରିପୋର୍ଟର): ଗତ କିଛି ଦିନ ମଧ୍ୟରେ ଓଲିଉଡ୍‌ର ଆଗଧାଡ଼ିର ନାୟିକା ପାଲଟି ଯାଇଛନ୍ତି ଏଲିନା ସାମନ୍ତରାୟ। ୨୦୧୪ରେ ତରଙ୍ଗ ଚ୍ୟାନେଲ୍‌ରେ ପ୍ରସାରିତ ରିୟାଲିଟି ଶୋ’ ‘କିଏ ହେବ ମୋ ହିରୋଇନ୍‌’ରେ ବିଜୟିନୀ ହେବା ପରେ ଏଲିନାଙ୍କର ଅଭିନୟ ଯାତ୍ରା ଆରମ୍ଭ ହୋଇଥିଲା। ତାଙ୍କର ପ୍ରଥମ ଫିଲ୍ମ ଥିଲା ‘ଇଶ୍କ ତୁ ହି ତୁ’। ଏଥିରେ ସୁପର୍‌ଷ୍ଟାର୍‌ ଅରିନ୍ଦମ୍‌ଙ୍କ ସହ ଏଲିନା ଲିଡ୍‌ ରୋଲ୍‌ରେ ନଜର ଆସିଥିଲେ। ପିଲ୍ମଟି ହିଟ୍‌ ମଧ୍ୟ ହେଇଥିଲା। ଏହାପରେ ଅଭିନୟ ଜଗତରେ ସଫଳତାର ଗୋଟିଏ ପରେ ଏନ୍ୟ ଏକ ପାହାଚ ଚଢ଼ି ଚାଲିଥିଲେ ଏଲିନା। ସେ ଏମିତି ଜଣେ ଅଭିନେତ୍ରୀ ଯେ ଖୁବ୍ କମ୍ ଦିନ ମଧ୍ୟରେ ଓଲିଉଡ୍‌ର ଅଧିକାଶଂ ହିରୋଙ୍କ ସହ କାମ କରିବାର ସୁଯୋଗ ପାଇଛନ୍ତି। ଗତ ୪ବର୍ଷ ଧରି ଓଡ଼ିଆ ଫିଲ୍ମ କରି ଆସୁଥିବା ଏଲିନା ଅନେକ ସମୟରେ ଆଉଟ୍‌ଡୋର୍‌ ସୁଟିଂରେ ମଧ୍ୟ ଯାଉଛନ୍ତି।</p> <p>ତେବେ ନିଜର ସେଫ୍‌ଟି ବା ନିରାପତ୍ତା ପାଇଁ କ'ଣ କରନ୍ତି ପଚାରିବାରୁ ଏଲିନା କହିଛନ୍ତି- “ମୁଁ ବହୁତ ଭାଗ୍ୟବାନ୍‌ ଯେ ମୁଁ ଓଲିଉଡ୍‌ରେ ଅଛି। ମୁଁ ଯେତେବେଳେ ବିଳମ୍ବିତ ରାତ୍ରି ପର୍ଯ୍ୟନ୍ତ ସୁଟିଂ କରେ ଏବଂ କିଛି ପିଲା ଝିଅଙ୍କୁ ଦେଖି କମେଣ୍ଟ କରନ୍ତି, ସେହି ସମୟରେ ମୋ ଟିମ୍‌ ସାମ୍ନାକୁ ଆସେ ଏବଂ ମତେ ସପୋର୍ଟ କରେ। ଆମ ସୁଟିଂ ସେଟ୍‌ରେ ମହିଳାମାନଙ୍କୁ ସମ୍ମାନ ଦିଆଯାଏ। ଯେକୌଣସି ଝିଅ ଉପରେ କିଛି ବିପଦ ଆସିଲେ, ଟିମ୍‌ ଲୋକ ସେସବୁର ସାମ୍ନା କରନ୍ତି ଏବଂ ଆମକୁ ସୁରକ୍ଷା ଦିଅନ୍ତି।”</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
