ମେଷ: ବିଳାସ ବ୍ୟସନରେ ଜୀବନ ବିତାଇବାକୁ ଇଚ୍ଛା ହେବ। ବ୍ୟବସାୟରେ ଭଲ ଲାଭ ହେବ। କଳାତ୍ମକ ଏବଂ ରଚନାତ୍ମକ ଦିଗ ବିକଶିତ ହେବା ସହ ପାରିବାରିକ ଜୀବନ ସୁଖଶାନ୍ତିରେ କଟିବ।
ବୃଷ: ପରିଶ୍ରମ ଅନୁସାରେ ଫଳ କମିଯିବ। ପଡ଼ୋଶୀମାନେ ଦୂରେଇ ଯିବେ। ତେଣୁ ମନ ଉଦାସ ରହିବ। ଶୁଣା କଥାକୁ ବିଶ୍ୱାସ କରନ୍ତୁ ନାହିଁ। ଚକ୍ଷୁର ଯତ୍ନ ନିଅନ୍ତୁ।
ମିଥୁନ: ଯାହା ଚାହିଁବେ ତାହା ପାଇବେ। ସାମଗ୍ରିକ ଦୃଷ୍ଟିରୁ ଦିନଟି ଯଥେଷ୍ଟ ଶୁଭଫଳ ଦେବ। ଆର୍ଥିକ ସ୍ଥିତି ସ୍ୱଚ୍ଛଳ ରହିବ। ଉତ୍ତମ ଖାଦ୍ୟ ପ୍ରାପ୍ତି ହେବ।
କର୍କଟ: କୌଣସି ସୌଖୀନ ଦ୍ରବ୍ୟ କ୍ରୟ କରିବେ। ଉତ୍ତମ ଆ଼ୟ ସହ ପାରିବାରିକ ସୁଖ ଓ ବନ୍ଧୁମିଳନରୁ ଆନନ୍ଦିତ ହେବେ।
ସିଂହ: ସମାଜର ମଙ୍ଗଳ ପାଇଁ ପ୍ରୟାସ କରିବେ। ସମସ୍ତଙ୍କୁ ସାହାଯ୍ୟର ହାତ ବଢ଼ାଇବେ। କିନ୍ତୁ ସମାଜରୁ ଉଚିତ ସମ୍ମାନ ପାଇ ନପାରନ୍ତି।
କନ୍ୟା: ଘରକୁ ଅର୍ଥ ଆଗମନର ସମସ୍ତ ରାସ୍ତା ଉନ୍ମୁକ୍ତ ରହିବ। ଉତ୍ତମ ଭାଷା ଓ ବ୍ୟବହାର ଦ୍ୱାରା କାମ ଗୁଡ଼ିକ ହାସଲ କରିବେ। ଖାଦ୍ୟପେୟ ଓ ପାରିବାରିକ ସୁଖ ଠିକ ରହିବ। ତଥାପି ମନରେ ଆଶଙ୍କା ଦେଖାଦେବ।
ତୁଳା: ଅନେକଙ୍କର ଦାୟିତ୍ୱ ବହନ କରିବାକୁ ପଡ଼ିବ। ବ୍ୟବସାୟକୁ ପ୍ରତ୍ୟକ୍ଷ ଭାବରେ ନିୟନ୍ତ୍ରଣ କରିବେ। ସମାଜରୁ ଆଦର ଓ ସମ୍ମାନ ପ୍ରାପ୍ତି ହେବ।
ବିଛା: ପ୍ରତି କ୍ଷେତ୍ରରେ ଯଥେଷ୍ଟ ପରିଶ୍ରମ କରିବେ, କିନ୍ତୁ ଫଳ ପ୍ରାପ୍ତି ସନ୍ତୋଷଜନକ ହେବନାହିଁ। ବିଳାସୀ ମନୋଭାବ ଯୋଗୁଁ କେତେକ ଅବହେଳା କରିପାରନ୍ତି। ପାରିବାରିକ ସ୍ନେହ ଶ୍ରଦ୍ଧା ବୃଦ୍ଧିପାଇବ।
ଧନୁ: ଆୟ ବୃଦ୍ଧି ପାଇଁ ଅନେକ ଯୋଜନା ପ୍ରସ୍ତୁତ କରିବେ। ଶତ୍ରୁମାନଙ୍କ ଆଚରଣ ମନରେ ଅଶାନ୍ତି ସୃଷ୍ଟି କରିବ। କଳା,ସାହିତ୍ୟ ଓ ମନୋରଞ୍ଜନରୁ ଶୁଭ ଫଳ ପାଇବେ।
ମକର: ଯାନବାହନ, ଯାତ୍ରା ଓ ବନ୍ଧୁମିଳନରୁ ଆନନ୍ଦଲାଭ କରିବେ। ପରିବାରର ସମର୍ଥନ ପାଇ ସାମାଜିକ ବା ମାଙ୍ଗଳିକ କାର୍ଯ୍ୟର ପ୍ରସ୍ତୁତି ଆରମ୍ଭ କରିବେ। ଆର୍ଥିକ ସ୍ଥିତି ଠିକ୍ ରହିବା ସହ ମନ ପ୍ରସନ୍ନ ରହିବ।
କୁମ୍ଭ: ପ୍ରତିକ୍ଷେତ୍ରରେ ସଫଳତା ପାଇବାକୁ ଦାବିଦାର ହେବେ। ପରୋପକାର ଓ ପରାକ୍ରମର ମିଶ୍ରଣରେ ଏକ ସ୍ୱତନ୍ତ୍ର ବ୍ୟକ୍ତିତ୍ୱର ପରିଚୟ ଦେବେ। ଧାର୍ମିକ କାର୍ଯ୍ୟପ୍ରତି ମନ ବଳାଇବେ।
ମୀନ: ପୁରୁଣା ସ୍ଥିତି ମନରେ ଉଜାଗର ହୋଇ ଭାବପ୍ରବଣତା ବୃଦ୍ଧି ପାଇବ। କିଛି ଭୁଲ ସମ୍ବାଦ ପାଇ ବ୍ୟଥିତ ହୋଇପାରନ୍ତି। ଦାମ୍ପତ୍ୟ ଜୀବନରେ ଅଶାନ୍ତି ଦେଖା ଦେଇପାରେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
