ଭୁବନେଶ୍ୱର(ଓଡ଼ିଶା ରିପୋର୍ଟର): ଆମ ଶାସ୍ତ୍ରରେ କଇଁଛର ଅନେକ ମହତ୍ତ୍ୱ ରହିଛି। କୁହାଯାଏ ଯେ, ଘରେ ଓ କାର୍ଯ୍ୟାଳୟରେ କଇଁଛ ରଖିଲେ ସମସ୍ତ ବାସ୍ତୁ ଦୋଷ ଦୂର ହେବା ସହ ସକାରାତ୍ମକ ଶକ୍ତି ପ୍ରବେଶ କରିଥାଏ। ପରିବାରରେ ସୁଖ ଶାନ୍ତି ବଜାୟ ରହିଥାଏ। କେବେ ହେଲେ କୌଣସି ଅଭାବ ଅନଟନ ଦେଖାଦେଇନଥାଏ। ହେଲେ ଘରେ କଇଁଛ ରଖିବାକୁ ହେଲେ ଆମକୁ କିଛି ଜିନିଷ ଉପରେ ଧ୍ୟାନ ଦେବାକୁ ହେବ। ଆସନ୍ତୁ ଜାଣିବା ସେଗୁଡ଼ିକ କ’ଣ?
୧) ପୂରାଣ ଅନୁଯାୟୀ ଭଗବାନ ବିଷ୍ଣୁଙ୍କର ଦଶାବତାର ମଧ୍ୟରୁ ଗୋଟିଏ ଥିଲା କଚ୍ଛପ ବା କଇଁଛ ଅବତାର। ତେଣୁ କୁହାଯାଏ ଯେ ଘରେ କଇଁଛ ରଖିବା ଦ୍ୱାରା ସର୍ବଦା ଘରଲୋକଙ୍କ ଉପରେ ଭଗବାନ ବିଷ୍ଣୁଙ୍କର ଆଶୀର୍ବାଦ ରହିଥାଏ।
୨) କଇଁଛ ଏକମାତ୍ର ଜୀବ ଯିଏ କି ଅଧିକ ସମୟ ଯାଏ ଜୀବିତ ରୁହେ। ଧାତୁ ନିର୍ମିତ କଇଁଛକୁ ଆପଣ ଘରର ପୂଜାସ୍ଥାନରେ ରଖିପାରିବେ। ହେଲେ ମନେରଖନ୍ତୁ କଇଁଛକୁ କେବେ ହେଲେ ଖାଲିରେ ରଖିବେ ନାହିଁ। ଏହାକୁ ସବୁବେଳେ ପାଣିରେ ରଖିବେ। ଏହାୱାରା ଘରର ଉନ୍ନତି ହୋଇଥାଏ।
୩) କଇଁଛକୁ ଉତ୍ତର ଦିଗରେ ରଖିବା ଶୁଭ ହୋଇଥାଏ। କାରଣ ଏହି ଦିଗରେ ଲକ୍ଷ୍ମୀଙ୍କର ବାସ ହୋଇଥାଏ। ତେଣୁ ଏହି ସ୍ଥାନରେ କଇଁଛ ରଖିବାଦ୍ୱାରା ଶତ୍ରୁମାନଙ୍କର ବିନାଶ ହୋଇଥାଏ। ବେପାରରେ ସଫଳତା ମିଳିଥାଏ ଓ ଧନଲାଭ ହୋଇଥାଏ।
୪) ଯଦି ଘରେ ସବୁବେଳେ ଅଭାବ ଅନଟନ ଦେଖାଦେଉଛି, ଘରର ଆୟଠୁ ବ୍ୟୟ ଅଧିକ ହେଉଛି ତେବେ ଘରେ କ୍ରିଷ୍ଟାଲର କଇଁଛ ରଖିବା ଉଚିତ୍। ହେଲେ ମନେରଖନ୍ତୁ କଇଁଛର ମୁହଁ ସର୍ବଦା ଘରର ଭିତର ଆଡ଼କୁ ହେବା ଦରକାର।
୫) ଫେଙ୍ଗସୁଇ ଅନୁଯାୟୀ, କଇଁଛକୁ ଘରର ଡ୍ରଇଂ ରୁମ୍ରେ ରଖିବା ଉଚିତ୍। କେବେହେଲେ କଇଁଛକୁ ନିଜ ବେଡରୁମ୍ରେ ରଖନ୍ତୁ ନାହିଁ। ଏହାକୁ ବେଡରୁମ୍ରେ ରଖିଲେ ଘରର ସଦସ୍ୟଙ୍କ ଉପରେ ଏହାର ନକାରାତ୍ମକ ପ୍ରଭାବ ପଡ଼ିଥାଏ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
