ଗର୍ଭବତୀଙ୍କ ପାଇଁ ଏମିତି ରହିଛି ବାସ୍ତୁ ଟିପ୍ସ

ଭୁବନେଶ୍ୱର (ଓଡ଼ିଶା ରିପୋର୍ଟର): ଆପଣ ନିଜ ଘରକୁ ବାସ୍ତୁଦୋଷ ଓ ନକାରାତ୍ମକ ଶକ୍ତିଠାରୁ ଦୂରରେ ରଖିବା ପାଇଁ ଅନେକ ବାସ୍ତୁ ନିୟମର ପାଳନ କରିଥାନ୍ତି। ତେବେ ଆପଣଙ୍କ ଘରେ ଯଦି କେହି ଗର୍ଭବତୀ ମହିଳା ରହିଛନ୍ତି, ତେବେ ସେମାନଙ୍କ ଉପରେ ମଧ୍ୟ ନୀତିନିୟମର ଲାଗୁ ହୋଇଥାଏ। ହୁଏତ ଆପଣ ଜାଣି ନ ଥିବେ ଯେ, ଗର୍ଭବତୀଙ୍କ ପାଇଁ କିଛି ବାସ୍ତୁ ଟିପ୍ସ ମଧ୍ୟ ରହିଛି।

ସୁସ୍ଥ ଓ ସୁନ୍ଦର ସନ୍ତାନଟିଏ ପାଇବାକୁ ହେଲେ ସେହି ସବୁ ନିୟମ ମାନିବା ନିହାତି ଆବଶ୍ୟକ । ଅପରପକ୍ଷେ ଜ୍ୟୋତିଷଶାସ୍ତ୍ରରେ ମଧ୍ୟ ସେହି ସବୁ ଟିପ୍ସ ମାନିବା ଜଣେ ଗର୍ଭବତୀ ପାଇଁ ଶୁଭ ଫଳଦାୟୀ । ଏହାଦ୍ୱାରା ସନ୍ତାନ ସୁସ୍ଥ, ସୁନ୍ଦର ଓ ସୌଭାଗ୍ୟବନ୍ତ ହୋଇଥାଏ।  ତେବେ ଆସନ୍ତୁ ଜାଣିବା, ଗର୍ଭବତୀମାନେ କେଉଁ ସବୁ ବାସ୍ତୁ ନିୟମ ପାଳନ କରିବା ଉଚିତ୍‌।

  • ଗର୍ଭାବସ୍ଥା ସମୟରେ ନକାରାତ୍ମକ ଶକ୍ତିର ପ୍ରଭାବରୁ ମୁକ୍ତ ହେବା ପାଇଁ ଘରେ ମୟୂର ପର ଲଗାଇବା ଉଚିତ୍ ।
  • ଘର ଭିତରେ ଓ ବାହାରେ ହଳଦି ମିଶ୍ରିତ ଚାଉଳ ପକାଇଲେ ଶୁଭ ହୋଇଥାଏ। ଏହାଦ୍ୱାରା ନକାରାତ୍ମକ ଶକ୍ତି ଘର ମଧ୍ୟକୁ ପ୍ରବେଶ କରେ ନାହିଁ ବୋଲି ବିଶ୍ୱାସ ରହିଛି ।
  • ବିଶେଷ ଭାବେ ଗର୍ଭବତୀଙ୍କ ଶୟନ କକ୍ଷ ଓ ଅନ୍ୟ କୋଠରୀଗୁଡ଼ିକରେ ହାଲ୍‌କା ରଙ୍ଗ ବ୍ୟବହାର କରିବା ଭଲ । କାରଣ ହାଲ୍‌କା ରଙ୍ଗ ମନକୁ ଶାନ୍ତ ରଖିବାରେ ସହାୟକ ହୋଇଥାଏ।
  • ଗର୍ଭାବସ୍ଥା ସମୟରେ ନକାରାତ୍ମକ ଶକ୍ତି ଅଧିକ ଆକର୍ଷିତ ହୋଇଥାନ୍ତି। ତେଣୁ ଗର୍ଭବତୀ ମହିଳା ସବୁ ସମୟରେ ନିଜ ପାଖରେ କୌଣସି ଲୁହା କିମ୍ବା ତମ୍ବା ଜିନିଷ ରଖିବା ଉଚିତ୍ ।
  • ଗର୍ଭାବସ୍ଥା ସମୟରେ ମହିଳାମାନେ ଦକ୍ଷିଣଦିଗକୁ ଗୋଡ଼ କରି ଶୁଅନ୍ତୁ ନାହିଁ ।
  • ମହାଭାରତ, ହିଂସ୍ର ପଶୁ କିମ୍ବା ଜଙ୍ଗଲର କୌଣସି ଚିତ୍ର କାନ୍ଥରେ ଲଗାଇବା ବଦଳରେ ଆଣ୍ଠୁଆ ଗୋପାଳଙ୍କ ବିଭିନ୍ନ ଚିତ୍ର ଆଣି ଘରର କାନ୍ଥରେ ଲଗାନ୍ତୁ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।