ଭୁବନେଶ୍ୱର: ସଚିବାଳୟରେ ଆଜି କ୍ୟାବିନେଟ କମିଟି ଇନଭେଷ୍ଟମେଣ୍ଟ (ସିସିଆଇ) ପ୍ରୋଜେକ୍ଟ ମନିଟରିଂ ଗ୍ରୁପ ସମୀକ୍ଷା ବୈଠକରେ ୩୪ଟି ପ୍ରକଳ୍ପ କାର୍ଯ୍ୟ ଶେଷ ଲାଗି ସମୟସୀମା ଧାର୍ଯ୍ୟ କରାଯାଇଛି । ମୁଖ୍ୟ ଶାସନ ସଚିବ ଗୋକୁଳଚନ୍ଦ୍ର ପତି ଏଥିରେ ଅଧ୍ୟକ୍ଷତା କରିଥିଲେ । ରେଲୱେ, ଜାତୀୟ ରାଜପଥ, ଷ୍ଟିଲ ଓ ମାଇନ୍ସ, ପାୱାର ସେକ୍ଟରର ୪୩ଟି ମେଗା ପ୍ରକଳ୍ପ ଉପରେ ସମୀକ୍ଷା କରାଯାଇଥିଲା । ବୈଠକରେ ମୁଖ୍ୟ ଶାସନ ସଚିବ ପତି ପ୍ରତି ପ୍ରକଳ୍ପର କାର୍ଯ୍ୟ ଶେଷ ଲାଗି ସମୟସୀମା ଧାର୍ଯ୍ୟ କରିଛନ୍ତି । ଧାର୍ଯ୍ୟ ସମୟ ମଧ୍ୟରେ କାମ ଶେଷ କରିବାକୁ କୁହାଯାଇଛି । କିଛି ପ୍ରକଳ୍ପ ଲାଗି ଜମି ଅଧିଗ୍ରହଣ ଓ ଜଙ୍ଗଲ ଜମି କିଷମ ପରିବର୍ତ୍ତନ ଆଦି କ୍ଷେତ୍ରରେ ଅଗ୍ରଗତି ଘଟିଛି । ମୁଖ୍ୟ ଶାସନ ସଚିବ ଶୀଘ୍ର ଏହାକୁ କାର୍ଯ୍ୟକାରୀ କରିବାକୁ ପ୍ରଜେକ୍ଟ ଡେଭଲପରଙ୍କୁ ପରାମର୍ଶ ଦେଇଛନ୍ତି । ଏହାସହ ଜିଲ୍ଲା ପ୍ରଶାସନକୁ ସମସ୍ତ ପ୍ରକାର ସହଯୋଗ ଯୋଗାଇ ଦେବାକୁ ନିର୍ଦ୍ଦେଶ ଦିଆଯାଇଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
