ନୂଆଦିଲ୍ଲୀ: ଆୟର ଉତ୍ସ ସ୍ପଷ୍ଟ ଥିଲେ, ଯେତେ ଅଧିକ ସୁନା ଅଳଙ୍କାର ରଖିଲେ ମଧ୍ୟ କୌଣସି କଟକଣା ଲାଗୁ ହେବ ନାହିଁ। ପ୍ରଚଳିତ ଆୟକର ଆଇନ ଅନୁସାରେ ଘରେ ସୁନା ଅଳଙ୍କାର ରଖିବା କଟକଣା ନେଇ ଏହା ସ୍ପଷ୍ଟ କରିଛନ୍ତି କେନ୍ଦ୍ର ସରକାର। ଆଇନ ମୁତାବକ ଆୟର ଉତ୍ସ ସମ୍ପର୍କରେ ସ୍ପଷ୍ଟ ଭାବେ ଦର୍ଶାଯାଇ ପାରୁ ଥିଲେ, ଯେକୌଣସି ବ୍ୟକ୍ତି ଯେକୌଣସି ପରିମାଣର ସୁନାଗହଣା ରଖିବାରେ କୌଣସି ପ୍ରତିବନ୍ଧକ ନାହିଁ। ସେହିପରି ଆୟର ଉତ୍ସ ସ୍ପଷ୍ଟ ହେଉ ନ ଥିଲେ ମଧ୍ୟ ଜଣେ ବିବାହିତା ମହିଳା ୫୦୦ ଗ୍ରାମ ସୁନା, ଅବିବାହିତ ମହିଳା ୨୫୦ ଗ୍ରାମ ଓ ପୁରୁଷ ୧୦୦ ଗ୍ରାମ ସୁନା ରଖି ପାରିବେ। ଏଗୁଡ଼ିକ ଜବତ ହେବ ନାହିଁ। ଏଥିସହ ଆହୁରି ମଧ୍ୟ ସ୍ପଷ୍ଟ କରାଯାଇଛି ଯେ ଏହି ପରିମାଣଠାରୁ ଅଧିକ ସୁନା ଅଳଙ୍କାର ଯଦି ପରିବାରର ପ୍ରଥା ଓ ପରମ୍ପରା ଅନୁସାରେ ଥାଏ, ତେବେ ତାହା ମଧ୍ୟ ସର୍ଚ୍ଚ କରୁଥିବା ଅଧିକାରୀ ଜବତ କରିପାରିବେ ନାହିଁ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।