ମୁମ୍ବାଇ: ୨୦୧୪-୧୫ ରେ ମହାରାଷ୍ଟ୍ରରେ ଡାଲି ଜାତୀୟ ଶସ୍ୟର ଉତ୍ପାଦନ ୬୦% କମିଛି। ସେହିପରି ଉଭୟ ରବି ଓ ଖରିଫ ଫସଲରେ ୩୦% ହ୍ରାସ ପରିଲିକ୍ଷିତ ହୋଇଛି। ଆଉ ଏଥିଯୋଗୁ ଡାଲି ଆଦିର ଦରଦାମ ବଢ଼ି ଯିବାର ଆଶଙ୍କା ଦେଖା ଦେଇଛି।
ସାରା ଦେଶର ଖାଦ୍ୟଶସ୍ୟର ୧୦% ମହାରାଷ୍ଟ୍ରରେ ଉତ୍ପାଦିତ ହୋଇଥାଏ। ତେବେ କମ୍ ବର୍ଷା ଯୋଗୁ ଗତ ବର୍ଷ ମହାରାଷ୍ଟ୍ରରେ ଖାଦ୍ୟଶସ୍ୟ ଉତ୍ପାଦନ ୩୫% ହ୍ରାସ ଘଟିଛି। ମହାରାଷ୍ଟ୍ର ସରକାରଙ୍କ ପକ୍ଷରୁ ଏହି ସୂଚନା ଦିଆଯାଇଛି।
ଡାଲି ଭଳି ତୈଳବୀଜ ଓ କପା ଆଦି ଅର୍ଥନୈତିକ ଫସଲ ଉତ୍ପାଦନରେ ମଧ୍ୟ ହ୍ରାସ ପରିଲିକ୍ଷିତ ହୋଇଛି। ତୈଳବୀଜ ଉତ୍ପାଦନରେ ୫୪% ହ୍ରାସ ଘଟିଥିବା ବେଳେ କପାରେ ୫୮% କମ୍ ଉତ୍ପାଦନ ହୋଇଛି।
ରାଜ୍ୟରେ ଏହି ସମୟ ମଧ୍ୟରେ କେବଳ ଆଖୁ ଚାଷ ଭଲ ହୋଇଛି। ଆଖୁ ଉତ୍ପାଦନ ୧୭% ବଢ଼ିଛି।
୨୦୧୪-୧୫ରେ ଅଳ୍ପ ବର୍ଷା ଯୋଗୁ ଖରିଫ ଫସଲ ଉତ୍ପାଦନ କମି ଥିବା ବେଳେ ଅଦିନିଆ ବର୍ଷା ଯୋଗୁ ରବି ଫସଲ ବି ପ୍ରଭାବିତ ହୋଇଥିଲା। ସେଥିପାଇଁ ରବି ଋତୁରେ ମଧ୍ୟ ଡାଲି ଫସଲର ଉତ୍ପାଦନ ୪୫% ହ୍ରାସ ହୋଇଥିଲା। ସେହିପରି ଅନ୍ୟାନ୍ୟ ଫସଲରେ ୨୩% କମ୍ ଉତ୍ପାଦନ ହେଲା।
ତେବେ ଚଳିତ ବର୍ଷ ଉଭୟ ଖରିଫ୍ ଓ ରବି ଋତୁରେ ଭଲ ଫସଲ ହେବ ବୋଲି ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡ଼ନାଭିସ୍ ଆଶା ରଖିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
