ନୂଆଦିଲ୍ଲୀ: ପାରାଦୀପ ବନ୍ଦରରେ ଥିବା ତିନି ଇଷ୍ଟ କ୍ୟୁଏ ବର୍ଥର ମେକାନାଇଜେସନ୍ ପ୍ରକଳ୍ପକୁ ମିଳିଲା କେନ୍ଦ୍ରର ମଞ୍ଜୁରୀ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ବସିଥିବା ଅର୍ଥନୈତିକ ବ୍ୟାପାର ସମ୍ପର୍କିତ କେନ୍ଦ୍ର କ୍ୟାବିନେଟ୍ ଆଜି ଏ ସଂପର୍କିତ ପ୍ରସ୍ତାକବୁ ଅନୁମୋଦନ କରିଛି। ୧୪୩୭ କୋଟି ଟଙ୍କା ବ୍ୟୟରେ ପିପିପି ମୋଡରେ ଏହି ପ୍ରକଳ୍ପ ନିର୍ମାଣ କରାଯିବ। ଏଥିମଧ୍ୟରୁ ନିର୍ମାଣକାରୀ ସଂସ୍ଥା ୧୪୧୨ କୋଟି ଏବଂ ପାରାଦୀପ ପୋର୍ଟ ଟ୍ରଷ୍ଟ ୨୫ କୋଟି ଟଙ୍କା ବ୍ୟୟ କରିବେ। ଏହି ପ୍ରକଳ୍ପ ଦ୍ୱାରା ଇକ୍ୟୁର ବର୍ଥ ନମ୍ୱର ୧, ୨ ଏବଂ ୩ର କ୍ଷମତା ୭.୮୫ ମିଲିୟନ ଟନରୁ ବୃଦ୍ଧି ପାଇ ୩୦ ମିଲିୟନ ଟନ୍ ହେବ। କାମ ଆରମ୍ଭ ହେବାର ୩ ବର୍ଷ ମଧ୍ୟରେ ଏହି ପ୍ରକଳ୍ପ ସମ୍ପୂର୍ଣ୍ଣ ହେବ। ଏହି ପ୍ରକଳ୍ପ କାମ ସରିବା ପରେ ପାରାଦୀପ ବନ୍ଦରରେ ତାପଜ କୋଇଲା ରପ୍ତାନୀ ପରିଚାଳନା କ୍ଷମତା ୫୦ ମିଲିୟନ ଟନକୁ ବୃଦ୍ଧି ପାଇବ ବୋଲି ଆଶା କରାଯାଉଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
