ଭୁବନେଶ୍ୱର(ଓଡ଼ିଶା ରିପୋର୍ଟର୍): ନୂଆ ବର୍ଷରେ ନୂଆ ସ୍ମାର୍ଟଫୋନ୍ କିଣିବାକୁ ଭାବୁଛନ୍ତି କି? ତେବେ ଆପଣଙ୍କ ପାଇଁ ଏବେ ଅନେକ ବିକଳ୍ପ ରହିଛି। ଆଗକୁ କିଛି ନୂଆ ସ୍ମାର୍ଟ ଫୋନ୍ ଲଞ୍ଚ୍ ହେବାକୁ ଅଛି। ତେଣୁ ଗତବର୍ଷ ଲଞ୍ଚ୍ ହୋଇଥିବା କିଛି ସ୍ମାର୍ଟ ଫୋନ୍ର ଦାମ୍ କମ୍ କରିଦିଆଯାଇଛି। ଏଥିରେ ରହିଛି ଟ୍ରେଣ୍ଡିଂରେ ଥିବା ଶାଓମି, ଓପୋ, ଭିଭୋ, ଜେନ୍ଫୋନ୍ ଓ ନୋକିଆ ଭଳି କିଛି ନାମୀ ଦାମୀ କମ୍ପାନୀର ସ୍ମାର୍ଟଫୋନ୍। ଚାଲନ୍ତୁ ଜାଣିବା, କେଉଁ ଫୋନ୍ ଏବେ କେତେ ଶସ୍ତା ହୋଇଛି।
୧. ନିକଟରେ ଭିଭୋ ନିଜ ଫ୍ଲାଗସିପ୍ NEXର ମୂଲ୍ୟ ୫,୦୦୦ ଟଙ୍କା ଶସ୍ତା କରିଛି। ଏବେ ଏହା ମାତ୍ର ୩୯ ହଜାର ୯୯୯ ଟଙ୍କାରେ ମିଳିବ। ଏହା ଏବେ ସବୁଠୁ ଟ୍ରେଣ୍ଡ କରୁଥିବା ସ୍ମାର୍ଟଫୋନ୍ ଏବଂ ଏହାର ସ୍ପେସିଫିକେସନ୍ ମଧ୍ୟ ଜବରଦସ୍ତ ରହିଛି।
୨. ସେହିଭଳି Xiaomi Poco F1ର ମୂଲ୍ୟ ୧ହଜାର ଟଙ୍କା କମ୍ କରାଯାଇଛି। ଶସ୍ତା ହେବା ପରେ ଏହି 8GB ରାମ୍ ଓ 256GB ମେମୋରୀ ଭ୍ୟାରିୟାଣ୍ଟ ସ୍ମାର୍ଟଫୋନ୍ ମୂଲ୍ୟ ୨୭ ହଜାର ୯୯ଟଙ୍କା ରହିଛି।
୩. Xiaomiର ଆଉ ଏକ ଫୋନ୍ Redmi Note 6 Proର ମୂଲ୍ୟ ୨ ହଜାର ଟଙ୍କା କମ୍ ହୋଇଛି। ଏବେ ଏହି ଫୋନ୍ର ମୂଲ୍ୟ ୧୩, ୯୯୯ ଟଙ୍କା ଥିବାବେଳେ ଫ୍ଲିପ୍କାର୍ଟରେ ରହିଛି ବିଶେଷ ଅଫର୍। ଅଫର୍ ଅନୁଯାୟୀ, ଆକ୍ସିସ ବ୍ୟାଙ୍କ କାର୍ଡରେ କିଣିଲେ ୧୦% ପର୍ଯ୍ୟନ୍ତ କ୍ୟାଶ୍ବ୍ୟାକ୍ ମଧ୍ୟ ମିଳିବ।
୪. ଶାଓମିର Redmi Note 5କୁ କଡ଼ା ଟକ୍କର ଦେଉଥିବା Zenfone Max Pro M1ର ମୂଲ୍ୟ ୧ ହଜାର ଟଙ୍କା କମ୍ ହୋଇଛି। ଏହାର 3GB ରାମ୍ ଭ୍ୟାରିଆଣ୍ଟକୁ ଆପଣ ମାତ୍ର ୯ ହଜାର ୯୯ ଟଙ୍କାରେ କିଣିପାରିବେ।
୫. ଗତ ବର୍ଷ ଗ୍ରାହକଙ୍କୁ ସବୁଠୁ ଅଧିକ ପସନ୍ଦ ଆସିଥିବା ସ୍ମାର୍ଟଫୋନ୍ Oppo F9 Proର ମୂଲ୍ୟ ମଧ୍ୟ ୨ ହଜାର ଟଙ୍କା ହ୍ରାସ ପାଇଛି। ବର୍ତ୍ତମାନ ଏହା ମାତ୍ର ୧୨ ହଜାର ୯୯୦ ଟଙ୍କାରେ ମିଳୁଛି।
୬. ସେହିଭଳି Oppo A5ର ମୂଲ୍ୟରେ ମଧ୍ୟ ୧ ହଜାର ଟଙ୍କାର ଡିସ୍କାଉଣ୍ଟ କରାଯାଇଛି। ଏବେ ଏହି ସ୍ମାର୍ଟଫୋନ୍ର ମୂଲ୍ୟ ୧୩ ହଜାର ୯୯୯ ଟଙ୍କା ରହିଛି।
୭. ଏ ସବୁ ବ୍ୟତୀତ 4GB ରାମ୍ ଓ 64GB ମେମୋରୀଯୁକ୍ତ Nokia 7.1 ଭ୍ୟାରିୟାଣ୍ଟର ମୂଲ୍ୟ ମଧ୍ୟ ଶସ୍ତା ହୋଇ ୧୯ ହଜାର ୯୯ ଟଙ୍କା ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
