ଦୁର୍ଦ୍ଦାନ୍ତ ଅପରାଧୀ ଆଶିଷ ସାମଲ  ଓ ବାବୁ ରାଉତ ଗିରଫ

କଟକ: ଦୁର୍ଦ୍ଦାନ୍ତ ଅପରାଧୀ ଆଶିଷ ସାମଲକୁ ଆଜି କଟକ ଏସଡିଜେଏମ କୋର୍ଟ ନିକଟରୁ ଗିରଫ କରିଛି କମିଶନରେଟ୍ ପୋଲିସ୍‌ର ସ୍ପେଶାଲ୍ ସ୍କ୍ବାଡ୍‌। ତା’ ନାଁରେ କଟକର ବିଭିନ୍ନ ଥାନାରେ ଏକାଧିକ ମାମଲା ଥିବା ପୋଲିସ୍ କହିଛି। ଅନ୍ୟପଟେ ବାଦାମବାଡି ପୋଲିସ ଦ୍ୱାରା ଶଙ୍କରପୁର ଅଞ୍ଚଳର କୁଖ୍ୟାତ ଅପରାଧୀ ବାବୁ ରାଉତ ଗିରଫ ହୋଇଛି। ବାବୁ ବସ୍‌ ମାଲିକ ଅମର ରାଉତ ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ଥିବା ବେଳେ ଦୀର୍ଘ ଦିନ ଧରି ଫେରାର ଥିଲା। ତା ନାଁରେ କଟକର ବିଭିନ୍ନ ଥାନାରେ ଏକାଧିକ ମାମଲା ରହିଛି। ଉଭୟଙ୍କୁ କୋର୍ଟ ଚାଲାଣ କରାଯାଇଛି।