ବାଲେଶ୍ୱର: କୃଷି ବିଭାଗ ସହକାରୀ ଯନ୍ତ୍ରୀଙ୍କ ଘରେ ଭିଜିଲାନ୍ସ ଚଢ଼ାଉ

ବାଲେଶ୍ୱର: ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଆଜି ବାଲେଶ୍ୱର ଜିଲ୍ଲା କୃଷି ବିଭାଗର ସହକାରୀ ଯନ୍ତ୍ରୀ ନିରୋଜ ବେହେରାଙ୍କ ଘରେ ଭିଜିଲାନ୍ସ ଚଢ଼ାଉ କରିଛି। ବାଲିଆ ସ୍ଥିତ ତାଙ୍କ ପୈତୃକ ଘର, ବାଲେଶ୍ୱର ସ୍ଥିତ ତାଙ୍କ ଶ୍ୱଶୁର ଘର ଓ ଅଫିସ୍ ସମେତ ମୋଟ ୫ଟି ସ୍ଥାନରେ ଚଢ଼ାଉ କରାଯାଇଛି।

ଭିଜିଲାନ୍ସ ଅଧିକାରୀ କହିଛନ୍ତି, “ବେହେରାଙ୍କ ଘରୁ ୧ କୋଟି ୧୮ ଲକ୍ଷ ଟଙ୍କାର ସ୍ଥାବର ଅସ୍ଥାବର ସମ୍ପତ୍ତି ଠାବ କରାଯାଇଛି। ତାଙ୍କ ପାଖରୁ ୭ ଲକ୍ଷ ଟଙ୍କାର ସୁନା ଅଳଙ୍କାର ଓ ୨ଟି ଗାଫି ଜବତ କରାଯାଇଛି। ବିଭିନ୍ନ ବ୍ୟାଙ୍କରେ ୪୯ ଲକ୍ଷ ଟଙ୍କା ଜମା ରହିଛି। ତାଙ୍କ ନାଁରେ ବାଲେଶ୍ୱରରେ ୩ଟି ପ୍ଲଟ୍‌ ରହିଛି। ଏଥିରୁ ଗୋଟାଏରେ ଏକ ଦୁଇ ମହଲା କୋଠା ରହିଛି। ଭୁବନେଶ୍ୱରରେ ଫ୍ଲାଟ୍‌ ରହିଛି।”‘