ବାରିପଦା: ୨୨ ପ୍ୟାକେଟ୍ ଗଞ୍ଜେଇ ଜବତ

ବାରିପଦା: ମୟୂରଭଞ୍ଜ ଜିଲ୍ଲା କୁଣିଅଣା ଥାନା ଅନ୍ତର୍ଗତ କୁଚେଇ ଛକ ସ୍ଥିତ ଦକ୍ଷିଣକାଳି ମନ୍ଦିର  ସାମ୍ନାରେ ଥିବା ଏକ କାର୍‌ରୁ ପ୍ରାୟ ୨୨ଟି ଗଞ୍ଜେଇ ପ୍ୟାକେଟ୍‌ ପୋଲିସ୍ ଜବତ କରିଛି। ଗୋଟିଏ ଗୋଟିଏ ପ୍ୟାକେଟ୍‌ରେ ଦୁଇରୁ ତିନି କେଜି ଗଞ୍ଜେଇ ଥିବା ବେଳେ ଏସବୁ ଓଜନ କଲେ ୫୦ କେଜିରୁ ଅଧିକ ହେବ ବୋଲି  ଅନୁମାନ କରାଯାଉଛି। ତେବେ କାର୍‌ଟିକୁ କେହି ମନ୍ଦିର ସାମ୍ନାରେ  ଛାଡ଼ି ଚାଲି ଯାଇଥିବା ପୋଲିସ୍ କହିଛି। ଏହାସହିତ ଗାଡ଼ି ନମ୍ୱର ଡୁପ୍ଲିକେଟ୍‌ ଥିବା ଜଣାପଡ଼ିଛି। ପୋଲିସ୍ ନିଜ ଆଡୁ ନିଶା ନିରୋଧ ଆଇନରେ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।

ଆଜି ସକାଳେ ପୋଲିସ୍ ପେଟ୍ରୋଲିଂ କରିବା ସମୟରେ ଗାଡ଼ିଟିକୁ ଜବତ କରିଥିଲା।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।