ଭଦ୍ରକ: ଭଦ୍ରକ ଜିଲ୍ଲାର ଚରମ୍ପା ରେଳ ଷ୍ଟେସନ ନିକଟରୁ ଜବତ କରାଯାଇଛି ୪ କ୍ୱିଣ୍ଟାଲ ୫୦ କିଲୋ ଗଞ୍ଜେଇ। ୧୫ଟି ବ୍ୟାଗରେ ଏହି ଗଞ୍ଜେଇ ରଖାଯାଇଥିଲା। ସେଗୁଡ଼ିକୁ ଟ୍ରେନରେ ଅଣାଯାଇ ଚୋରା ଚାଲାଣ କରାଯାଉଥିବା ବେଳେ ଅବକାରୀ ଅଧିକାରୀମାନେ କୌଣସି ସୂତ୍ରରୁ ସୂଚନା ପାଇ ଧରିଥିଲେ। ଏଥିରେ ୩ ଜଣଙ୍କୁ ଗିରଫ କରାଯାଇଛି। ସେମାନଙ୍କ ମଧ୍ୟରେ ଦୁଇ ଜଣ ମହିଳା ଅଛନ୍ତି। ଗିରଫ ବ୍ୟକ୍ତିମାନେ ହେଲେ କଟକ ଚାଉଳିଆଗଞ୍ଜ ଥାନା ଅନ୍ତର୍ଗତ ଗାନ୍ଧିପଲ୍ଲୀର ଜିତେନ୍ଦ୍ର ମଲ୍ଲିକ, କୁନି ବେହେରା ଓ ଲିଲା ସାହାଣୀ। ସେମାନେ ବିହାରରୁ ଯଶବନ୍ତପୁର-ହାୱାଡ ଟ୍ରେନରେ ଏହି ଗଞ୍ଜେଇ ଆଣିଥିଲେ ବୋଲି ପୋଲିସକୁ କହିଛନ୍ତି। ଜବତ ଗଞ୍ଜେଇର ଆନୁମାନିକ ବଜାର ଦର ଏକ ଲକ୍ଷ ୮୦ ହଜାର ଟଙ୍କା ହେବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।