ବ୍ରହ୍ମପୁର: ବ୍ରହ୍ମପୁରରେ ଜଣେ ସମ୍ବାଦିକଙ୍କ ସମେତ ପୋଲିସ ଏଏସ୍ଆଇ ଓ ଅଟୋ ଡ୍ରାଇଭରଙ୍କୁ ମାଡ଼ ମାରିବା ଘଟଣାରେ ଆଜି ଏମକେସିଜିର ୩ ଜୁନିୟର ଡାକ୍ତରଙ୍କୁ ପୋଲିସ ଗିରଫ କରିଛି। ଏମାନଙ୍କ ମଧ୍ୟରେ ଜୁନିୟର ଡାକ୍ତର ସଂଘର ସଭାପତି ପରେଶ ଗୌଡ ଅଛନ୍ତି। ମଙ୍ଗଳବାର ଏହି ଘଟଣାରେ ବିଏନପୁର ଥାନା ପୋଲିସ ୬ ଜଣ ଡାକ୍ତରୀ ଛାତ୍ରଙ୍କୁ ଗିରଫ କରିଥିଲା।
ଜାନୁଆରୀ୨୯ ତାରିଖ ରାତିରେ ଜଣେ ରୋଗୀର ଚିକିତ୍ସାକୁ କେନ୍ଦ୍ର କରି ତାଙ୍କ ସଂପର୍କୀୟ ଓ କାର୍ଯ୍ୟରତ ଜୁନିୟର ଡାକ୍ତରଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା। ଏ ସଂପର୍କରେ ଖବର ପାଇଁ ଘଟଣାସ୍ଥଳରେ ପହଞ୍ଚିଥିବା ଜଣେ ସାମ୍ବାଦିକଙ୍କୁ ଡାକ୍ତରୀ ଛାତ୍ରମାନେ ମାଡ଼ ମାରିଥିଲେ। ସେହିପରି ବିଏନପୁର ଥାନାର ଏଏସଆଇ ଓ ଜଣେ ଅଟୋ ଡ୍ରାଇଭରଙ୍କୁ ମାଡ଼ ମାରିଥିବା ଅଭିଯୋଗ ହୋଇଥିଲା।