ଭୁବନେଶ୍ୱର: ଓଏଏସ୍ କ୍ୱାର୍ଟର୍ସ ପରିସରରୁ ମଣିପୁର ଯୁବକଙ୍କ ମୃତଦେହ ଉଦ୍ଧାର ଘଟଣାରେ ଗୁରୁବାର ସାନି ତଦନ୍ତ ଆରମ୍ଭ ହୋଇଛି। କମିଶନରେଟ୍ ପୋଲିସ୍ ଓ ମଣିପୁର ପୋଲିସ୍ ପକ୍ଷରୁ ଏହି ତଦନ୍ତ ଆରମ୍ଭ କରାଯାଇଛି। ସେହିପରି ମୃତ ଯୁବକଙ୍କର ଶବକୁ କଟକରେ ଦ୍ୱିତୀୟ ଥର ପାଇଁ ବ୍ୟବଚ୍ଛେଦ କରାଯାଇଛି। କମିଶନରେଟ୍ ପୋଲିସର ଜଣେ ଏସପି ଓ ମଣିପୁର ପୋଲିସର ଉପସ୍ଥିତିରେ ଏକ ସ୍ୱତନ୍ତ୍ର ଡାକ୍ତରୀ ଟିମ୍ ଶବ ବ୍ୟବଚ୍ଛେଦ କରିଛନ୍ତି। ଏହାର ରିପୋର୍ଟ ଦୁଇଦିନ ମଧ୍ୟରେ ଆସିବ। ଶବ ବ୍ୟବଚ୍ଛେଦର ସମ୍ପୂର୍ଣ୍ଣ ଭିଡିଓଗ୍ରାଫୀ କରାଯାଇଛି।
ମୃତ ଯୁବକ ଏଲ. ପୁମାଇଙ୍କ ପରିବାର ଲୋକେ, ତାଙ୍କ ଓକିଲ ଓ ମଣିପୁରରୁ ଆସିଥିବା ଡିଏସପି ଘନଶ୍ୟାମ ଶର୍ମା ଆଜି ପୋଲିସ୍ କମିଶନରଙ୍କୁ ଭେଟିଥିଲେ ଓ ମାମଲା ସଂପର୍କରେ ଆଲୋଚନା କରିଥିଲେ। ମୃତ ଯୁବକଙ୍କ ପରିବାର ଲୋକେ ମାମଲାର ପୁନଃ ତଦନ୍ତ ପାଇଁ ଦାବି କରିଥିଲେ।
ଗତ ୨ ତାରିଖରେ ଝୁଲନ୍ତା ଅବସ୍ଥାରେ ମଣିପୁରର ଯୁବକ ଏଲ.ପୁମାଇଙ୍କ ମୃତଦେହ ମିଳିଥିଲା। ପୋଷ୍ଟମର୍ଟମ ରିପୋର୍ଟକୁ ଆଧାର କରି ଯୁବକ ଜଣକ ଆତ୍ମହତ୍ୟା କରିଥିବା ଦର୍ଶାଇଥିଲା କମିଶନରେଟ୍ ପୋଲିସ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
