ବ୍ରହ୍ମପୁରରେ ବୋମା ମାଡ଼

ବ୍ରହ୍ମପୁର: ବ୍ରହ୍ମପୁର ବିଏନ୍‌ପୁର ଥାନା ଅନ୍ତର୍ଗତ ଖୋଡ଼ାସିଙ୍ଗ ଛକର ମୁଖ୍ୟ ରାସ୍ତାରେ ମଙ୍ଗଳବାର ପୂର୍ବାହ୍ନରେ ଦୁଇଟି ବୋମା ମାଡ଼ ହୋଇଛି। ଏଥିରେ କୌଣସି କ୍ଷୟକ୍ଷତି ହୋଇନାହିଁ। ଖବର ପାଇବା ପରେ ବ୍ରହ୍ମପୁର ଏସଡିପିଓ ଓ ବିଏନପୁର ଥାନା ଅଧିକାରୀ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି। ଘଟଣାସ୍ଥଳରୁ ଦୁର୍ବୃତ୍ତମାନଙ୍କର ଗୋଟିଏ ମୋବାଇଲ୍ ଓ ଦୁଇଟି କ୍ୟାପ୍‌ ପୋଲିସ୍ ଜବତ କରିଛି।

ବ୍ରହ୍ମପୁର ଏସ୍‌ଡିପିଓ ଶାନ୍ତନୁ କୁମାର ଦାସ କହିଛନ୍ତି,“ପ୍ରାଥମିକ ତଦନ୍ତରୁ ଜଣାପଡ଼ିଛି ଯେ ଦୁର୍ବୃତ୍ତମାନେ ଦୁଇଟି ବାଇକ୍‌ରେ ଗୋଡ଼ା ଗୋଡ଼ି ହୋଇ ଆସି ବୋମା ମାଡ଼ କରିଥିଲେ। ସେମାନଙ୍କ ମଧ୍ୟରେ ମାର୍‌ପିଟ୍ ମଧ୍ୟ ହୋଇଥିଲା। ଘଟଣାସ୍ଥଳରୁ ଗୋଟିଏ ମୋବାଇଲ୍ ଓ ଦୁଇଟି କ୍ୟାପ୍ ଜବତ କରାଯାଇଛି। ଘଟଣାର ତଦନ୍ତ କରାଯାଉଛି। ତଦନ୍ତ ପରେ ଘଟଣା ସଂପର୍କରେ ସବିଶେଷ ତଥ୍ୟ ମିଳିପାରିବ।”