କଟକ: ଚିକିତ୍ସା ପାଇଁ ଆଜି ଡି-ବ୍ରର୍ଦସଙ୍କ ସହଯୋଗୀ ନିର୍ମଳ ରାଉତଙ୍କୁ ହାଇକୋର୍ଟ ଅନ୍ତରୀଣ ଜାମିନ ପ୍ରଦାନ କରିଛନ୍ତି। ୩୦ ହଜାର ଟଙ୍କା ଓ ୨ ଜଣ ଜାମିନଦାରଙ୍କ ବଦଳରେ ସେ ଜାମିନରେ ଯାଇପାରିବେ ବୋଲି ହାଇକୋର୍ଟ କହିଛନ୍ତି। ଅଗଷ୍ଟ ୧୧ ତାରିଖ ପର୍ଯ୍ୟନ୍ତ ତାଙ୍କୁ ଏହି ଜାମିନ ଦିଆଯାଇଛି।
ଯକୃତ ରୋଗରେ ପୀଡ଼ିତ ନିର୍ମଳ ଚିକିତ୍ସା ପାଇଁ ହାଇକୋର୍ଟରେ ଅନ୍ତରୀଣ ଜାମିନ ଆବେଦନ କରିଥିଲେ। ତାଙ୍କ ସ୍ୱାସ୍ଥ୍ୟ ସମ୍ପର୍କିତ ସମସ୍ତ ରେକର୍ଡପତ୍ର ଅନୁଧ୍ୟାନ କରିବା ସହ ଜେଲ କର୍ତ୍ତୃପକ୍ଷଙ୍କ ଜବାବ ଆଧାରରେ ହାଇକୋର୍ଟ ଏହି ଜାମିନ ପ୍ରଦାନ କରିଛନ୍ତି।
ଡି-ବ୍ରଦର୍ସଙ୍କ ସହଯୋଗୀ ନିର୍ମଳ ହେଉଛନ୍ତି ବହୁଚର୍ଚ୍ଚିତ ଦୀପୁ ଓ ଓମ ହତ୍ୟାକାଣ୍ଡର ଅନ୍ୟତମ ଅଭିଯୁକ୍ତ। ଆଠଗଡ଼ ଖୁଣ୍ଟକଟା ଠାରେ ଥିବା ତାଙ୍କ ଫ।ର୍ମହାଉସରେ ସେ ଡି-ବ୍ରଦର୍ସ ଓ ସେମାନଙ୍କର ଅନ୍ୟ ସହଯୋଗୀଙ୍କ ସହ ମିଶି ଦୀପୁ ଓ ଓମକୁ ହତ୍ୟା କରିଥିବା ଅଭିଯୋଗ ହୋଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
